Мэдээ
УЛААНБААТАР ºC
USD АНУ доллар 2,495.23
2020 оны 05-р сарын 29
Мэдээлэл хайх:
Зөвлөгөө | 7 хоногийн тойм | Олны танил | Шар | Танин мэдэхүй | Түүхэн хүмүүс | Кино урлаг | Дуу хөгжим | Номын ертөнц | Гадаад мэдээ | +18

Төрийн гурван өндөрлөгийн хоёрынх нь казинодож байсан баримт ил болжээ

НИЙТЛЭСЭН: 2020-05-14 09:14:13
Улс төр > Улстөрч | Сэтгэгдэл: 0

“Энэ цагт биш, эрт үед” гэдэг шиг “Хадгаламж” банкны 14 тэрбумын гэх дуулиант хэрэг одоогоос 14 жилийн өмнө гарч байв.

Тухайн үед “Хадгаламж” банкийг хувьчлах үед 14 тэрбум төгрөг сох дутсан. Үүнийг тус банкны ерөнхий нягтлангаар ажиллаж байсан Ц.Чимэдцэрэн үрэн таран хийсэн болж таарсан.

Явсаар Ц.Чимэдцэрэнтэй хамт дээрх мөнгийг казинод үрэлцсэн гэх улстөрчид, бизнесмэнүүдийн нэр гарч ирж байв. 

“Хадгаламж” банкны 14 тэрбумын гэх хэрэг хэдийнэ шүүхээр шийдэгдсэн. Тиймээс Өдөр тутмын сонинуудын “Эрэн сурвалжлагч” нэгдлийн сэтгүүлчид бид уг хэргийн улмаас буруутсан, тухайн үед нэр холбогдсон хүмүүсийг дахин буруутгах гэсэнгүй.

Харин тэр үед олон нийтийн хэвлэл мэдээллийн хэрэгслээр гарч байгаагүй, олны мэдэхгүй баримт сэлтийг үл мэдэгдэх эх сурвалж Өдөр тутмын сонинуудын “Эрэн сурвалжлагч” нэгдлийн нэр дээр ирүүлсэн юм. Иймээс бид олон хуудас бүхий баримтуудыг судалж үзээд олон нийтийн мэдэх эрхийг хангах үүргийнхээ дагуу тухайн баримтын хүрээнд зарим мэдээллийг хүргэж байна.

Тухайн үед буюу 2007 онд Ч.Чимэдцэрэнгийн хэргийг шалгаж байсан ЦЕГ-ын УМБГ-аас 1999 оны тавдугаар сарын 31-нд байгуулагдсан Эрх зүйн туслалцааны гэрээний хүрээнд БНСУ-ын Хууль зүйн яам, Сөүл хотын төв прокурорын газарт мэдээлэл хүссэн хүсэлтийг илгээж байжээ. Хүсэлтэд уг хэрэгтэй холбоотойгоор нэр бүхий 25 хүний  Сөүл хот дахь “Sheraton” зочид буудлын “Walker Hill” казино, “Goex” зочид буудлын “Seven Luck” казино, “Hyatt” зочид буудлын “Paradise” казиногоор үйлчлүүлсэн мэдээллийг хүссэн байна.

Мөн Ц.Чимэд­цэрэнгийн БНСУ-ын банкинд данс эзэмшдэг эсэх, тус улсад үл хөдлөх хөрөнгө эзэмшдэг эсэх, бизнесийн чиглэлээр ямар нэг хөрөнгө  оруулалт хийсэн эсэхийг лавлажээ.

Энэ дагуу Сөүл хотын төв прокурорын газраас нэр бүхий казинонуудад “Манай байгууллагад мөрдөгдөж байгаа хэрэгтэй холбоотой тэмдэглэгдсэн хүмүүсийн тус байгууллагын казинод орсон болон мөнгө солиулсан талаарх бүртгэлийг тодруулах үүднээс компьютерийн бүртгэл, санхүүгийн бүртгэлийн хуулбарыг гаргаж өгч туслалцаа үзүүлнэ үү” гэсэн албан бичгийг илгээсэн байна.

Үүний хариуд Сөүл хотын төв прокурорын газарт казинонуудаас илгээсэн зохих мэдээллийг 2007 оны долдугаар сарын 20-нд манай УМБГ-т ирүүлжээ. Ц.Чимэдцэрэн болон Монголоос очсон хүсэлтэд нэр дурдагдсан хүмүүсийн казинод орсон гарсан, мөнгө солиулсан, дахин солиулсан талаарх баримтуудыг илгээжээ. Харин дээрх хүмүүсийн тоглож буйг дүрс бичлэгээр илгээх боломжгүй гэжээ.

УМБГ-аас нэрийг нь илгээж БНСУ-ын Сөүл хотын төв прокурорын газраас хариу ирүүлсэн хүмүүсийн дунд одоогийн УИХ-ын дарга Г.Занданшатар, Ерөнхий сайд У.Хүрэлсүх, Гадаад харилцааны дэд сайд Б.Батцэцэг, сайд асан Т.Бадамжунай, “Алтай констракшн”-ийн Х.Бат-Эрдэнэ нар байна. Өөрөөр хэлбэл, Ц.Чимэдцэрэн нарын “Seven Luck” казинод есүүлээ, “Paradise” казинод 15-уулаа орж тоглосон талаарх баримтуудыг ирүүлжээ.

Тухайлбал. Г.Занданшатар нь 2006 оны есдүгээр сарын 22-ноос аравдугаар сарын 16-ны хүртэл “Seven Luck” казинод хэд хэдэн удаа орж 7 824 113 вон солиулж, дахин 56 820 660 вон солиулсан.

У.Хүрэлсүх 2005 оны долдугаар сарын 23-наас 2006 оны наймдугаар сарын 4-нийг хүртэлх хугацаанд “Paradise” казинод хэд хэдэн удаа орж, 66 847 702 вон солиулж, 11 143 614 вон дахин солиулсан.

Б.Батцэцэг 2006 оны аравдугаар сарын 20-ноос 2007 оны гуравдугаар сарын 28-ныг хүртэл “Seven Luck” казинод орсон боловч мөнгө солиулсан бүртгэл байхгүй.

Т.Бадамжунай  “Paradise” казинод 2004 оны арваннэгдүгээр сарын 17-ноос 2006 оны наймдугаар сарын 4-нийг хүртэл хэд хэдэн удаа орж 23 666 637 вон солиулсан. Мөн “Seven Luck” казинод 2006 оны наймдугаар сарын 7-ноос 2007 оны хоёрдугаар сарын 12-ныг хүртэл хэд хэдэн удаа орж 68 197 223 вон солиулж, 5 607 073 воныг дахин солиулжээ.

Х.Бат-Эрдэнэ нь 2005 оны зургадугаар сарын 1-нээс 2006 оны есдүгээр сарын 7-ны хооронд “Paradise” казинод хэд хэдэн удаа орж 281 310 274 вон солиулж, 174 000 601 воныг дахин солиулсан байна. Бас 2006 оны наймдугаар сарын 24-нөөс 2007 оны хоёрдугаар сарын 15-ныг хүртэл “Seven Luck” казинод хэд хэдэн удаа орж 345 640 992 вон солиулж, 587 279 969 воныг дахин солиулсан байна.

Ийм маягаар БНСУ-аас манай улсын иргэдтэй холбоотой казинодсон талаарх баримтыг ирүүлжээ. Манай УМБГ-аас нэрсийг нь явуулсан хүмүүсийн заримынх нь Ц.Чимэдцэрэнтэй хамт дээрх хоёр казинод тоглосон гэх баримт ирээгүй байна. Тэдний нэг нь УИХ-ын гишүүн Я.Содбаатар байна. Өөрөөр хэлбэл, эндээс мэдээллийг нь хүсч нэрийг нь илгээсэн 25 хүний нэг нь Я.Содбаатар байжээ. Харин 17 хүний мэдээлэл нь ирсэн байна.

Тэдний дунд өдгөө УИХ-ын дарга, УИХ-ын гишүүн, Ерөнхий сайд, Гадаад харилцааны дэд сайд, Засгийн газрын агентлагийн даргын албан тушаал хашиж байгаа хүмүүс багтсан. Мөн эх орноосоо яваад ирэлгүй удаж байгаа төрийн өндөр албан тушаал хашиж байсан эрхэм, томоохон компанийн захирал нөхдүүд ч байна.

Өнөөдөр Монгол төрийн гурван өндөрлөгийн хоёрынх нь өчигдөр казинодсон баримт ингээд ил болж байна. Ер нь бол, өнөөдөр бөөрөнхий дэлхийд хил хязгаар үгүй болсон. Хэн ч хаанаас ч хэзээний ч баримт факт, мэдээ сэлтийг олж авах нөхцөл бүрдсэн. Өөрөөр хэлбэл, мэдээллийн эрин ноёлсон. Цаг хугацаа, орон зайны талаарх ойлголт ч өөрчлөгдөж байна.

Тийм учраас Өдөр тутмын сонинуудын “Эрэн сурвалжлагч” нэгдэл ирсэн баримтын хүрээнд эдгээр мэдээллийг хүргэхийн учир нь “Монголын төр ийм явдлаас ангид байх учиртай. Хожим төрд гарч, түмний төлөө зүтгэхийн тулд хуулиар хориглосон үйлдэлд нэр холбогдохгүй явдаг байх”-ыг сануулж буй хэрэг юм.

ӨДӨР ТУТМЫН СОНИНУУДЫН “ЭРЭН СУРВАЛЖЛАГЧ” НЭГДЭЛ

 

Эх сурвалж: “Зууны мэдээ” сонин

2020.5.14  ПҮРЭВ № 95 (6320)

Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
Мэдээ таалагдсан бол like & share хийнэ үү:


БУСАД

 
 
СЭТГЭГДЭЛ БИЧИХ

 

СЭТГЭГДЭЛ
ШИНЭ МЭДЭЭ
COVID-19 цар тахлын үед наадмыг тэмдэглэхгүй, зардлаа хэмнэе гэвэл Та дэмжих үү? санал асуулгын дүн
2 минут    

Жош Дан болон Дебби Райан нар нууцаар хуримлажээ
8 минут    

Энэ онд багтаан бүртгэлтэй таксины тоог нэмнэ
16 минут    

Амралтын өдрүүдэд ихэнх нутгаар хур тунадас орж, сэрүүхэн байна
23 минут    

Эрчүүдэд: Төгс хувцасны шүүгээг бүрдүүлэх 10 загвар
27 минут    

Нэг хот-нэг стандарт болзолт уралдаанд түрүүлсэн хэсгийн ахлагч нарт шагнал гардууллаа
38 минут    

Америк хосын барьсан "мөрөөдлийн" монгол гэр
42 минут    

Цэргийн төв эмнэлэгт зөөврийн хүчил төрөгчийн аппарат хандивлалаа
58 минут    

Бүх аймгийн Боловсрол, соёл урлаг, биеийн тамир спортын газар автомашинтай боллоо
1 цаг    

Европын Холбооноос Монгол Улсад 50.8 сая еврогийн буцалтгүй тусламж олгохоор боллоо
1 цаг    

"Энэ хүнд эрсдэлтэй нөхцөлд давхар эрсдэл дагуулан иргэдээ Энэтхэгээс авчирсанд баяртай байна"
1 цаг    

Хүүхдийн баяраар хүүхдээ дагуулж айл хэсэхгүй, хийжүүлсэн ундаа, чихэр, чипс өгөхгүй байхыг зөвлөв
2 цаг    

Найман удаагийн нислэгээр 2000 иргэнээ татан авна
2 цаг    

Нойтон цас орж, говь, талын нутгаар сэрүүсч, салхи шуургатай байна
2 цаг    

Ө.Энхтүвшин: Галын шугамд ажиллаж байгаа албан хаагчиддаа 6-р сарын 15 гэхэд орон сууцны түлхүүрийг нь өгмөөр байна
2 цаг    

Монголын хачигт энцефалитын талаар “TBE book” ном хэвлэгдлээ
2 цаг    

Өнгөрсөн, одоо, ирээдүй: График дизайн
2 цаг    

Наран шарлагын газар байгуулахыг дэмжсэн бичгийг гуйвуулсан
2 цаг    

Ай Вэйвэй зурагтай маскаар хандив босгож байна
2 цаг    

Сонгуулийн сурталчилгааны үед уулзалтыг 2 цагаас хэтрүүлэхгүй, хоорондоо 1.5 метрийн зайтай байна
3 цаг    

Европын холбоо Монголд 50.8 сая еврогийн дэмжлэг үзүүлнэ
3 цаг    

Зургаадугаар сард тусгай нислэгээр ирэх иргэд сонгуульд оролцох боломжгүй
3 цаг    

Э.Мөнхсайхан: Ардчилсан нийгмийн амин сүнс нь бие даасан үзэл бодолтой иргэд юм
3 цаг    

О.Дашпагма: Уушгины хатгалгааны эсрэг вакцинаар 0-1 насны хүүхдийг дархлаажуулж байна
3 цаг    

Миннеаполис хотын дарга ажлаа хийхгүй бол Трамп цэрэг илгээнэ гэлээ
3 цаг    

Энэтхэгээс ирсэн иргэд: Эх орондоо ирсэндээ туйлын баяртай байна
4 цаг    

МХЕГ: Өвчлөл бүртгэгдсэн улсаас цахимаар бараа худалдан авахгүй байхыг анхааруулж байна
4 цаг    

Залхуу хүнд зориулсан зурагт хөтөч: Ажлын бүтээмж нэмэх 7 дадал
4 цаг    

Асаргаа шаардлагатай, хөгжлийн бэрхшээлтэй хүүхдүүдэд зориулсан тасаг байгуулагдлаа
4 цаг    

Хүүхдийн эрчимт эмчилгээ, яаралтай тусламжийн эмч, сувилагчийг чадавхжуулж байна
4 цаг    

Хонгконг: Баривчлагдсан хүмүүсийн 100 орчим нь хүүхдүүд байна
4 цаг    

БНСУ-ын банк бодлогын хүүгээ түүхэн доод түвшин буюу 0.5 хувь болгон буурууллаа
4 цаг    

Ж.Амгалан: Тусгаарлах байрнаас гараад 14 хоног гэртээ байх ёстой иргэд бааранд орсон тохиолдол гарлаа
5 цаг    

Ч.Хүрэлбаатар: Монгол Улсын зээлжих зэрэглэлийг хэвээр үлдээсэн гэдгээ "Fitch" агентлаг мэдээлсэн
5 цаг    

COVID-19-ийн батлагдсан тохиолдол 179 боллоо
6 цаг    

Ногоон зээлийн шалгуурыг бууруулъя
6 цаг    

Увс аймгийн Өмнөговь сум "Баруун бүсийн шилдэг сум"-аар шалгарлаа
6 цаг    

Нийслэлийн Хөдөлмөр эрхлэлтийн газраас 920 иргэнийг ажлын байраар хангажээ
6 цаг    

Ерөнхийлөгч Х.Баттулга шинээр болон шилжин томилогдсон шүүгчдэд шүүгчийн үнэмлэх гардууллаа
6 цаг    

Ч.Хишигчулуун: Марзан Шарав ар хүрээ хийдэд шавилдаг байхдаа торгоны замаар өнгөрсөн жуулчдын хөргийг зурдаг байсан
6 цаг    

Instagram дээр заавал дагах 7 тейстмейкер
6 цаг    

Бразил улс хүн амынхаа 0.4 хувийг “covid-19" илрүүлэх оношилгоонд хамруулаад байна
7 цаг    

Хар арьст залуу цагдаад өвдөглүүлж нас барсны дараа АНУ-д эсэргүүцлийн жагсаал өрнөлөө
7 цаг    

Ирэх долоо хоногт ХОЁР ӨДӨР бүх нийтээр амарна
7 цаг    

Олон улсын энхийг сахиулагчдын өдөр тохиож байна
8 цаг    

Өмнөд Солонгосын онлайн худалдааны агуулахад дэгдсэн коронавирусийн тархалт хяналтаас гарч болзошгүй байна
8 цаг    

Дөрөвдүгээр сард 710 иргэнд ипотекийн зээл олгожээ
9 цаг    

Билгийн тооллын 7 2020 оны 5 сарын 29
9 цаг    

Дональд Трамп сошиал медиа компаниудын хяналтыг чангатгахыг үүрэг болгосон захирамж гаргалаа
9 цаг    

2020 оны 05 дугаар сарын 29-нөөс 06 дугаар сарын 02-ныг хүртэлх цаг агаарын урьдчилсан төлөв
9 цаг    



Нүүр хуудас | Фото мэдээ | Видео мэдээ | Сурталчилгаа байршуулах | Холбоо барих Утас: 89460-008, 7711-2424
© 2016 он. Зохиогчийн эрх хуулиар хамгаалагдсан. ARDCHILAL.MN.