Мэдээ
УЛААНБААТАР ºC
USD АНУ доллар 2,495.23
2019 оны 04-р сарын 20
Мэдээлэл хайх:
Зөвлөгөө | 7 хоногийн тойм | Олны танил | Шар | Танин мэдэхүй | Түүхэн хүмүүс | Кино урлаг | Дуу хөгжим | Номын ертөнц | Гадаад мэдээ | +18

СУРВАЛЖЛАГА: АЗ ЖАРГАЛ, ХАЙР ТҮГЭЭСЭН ААВ ХҮҮ ХОЁРЫН ЕРТӨНЦ

НИЙТЛЭСЭН: 2018-10-12 12:05:33
Нийгэм > Нийслэл | Сэтгэгдэл: 0

Хуванцар сав түүдэг аав, хүү хоёрын ноцолдож буй зураг сошиалд тархаж, хүн бүр тэднийг сонирхож эхэлсэн. Хар бараан, хүчирхийллээр дүүрэн энэ нийгэмд аав хүү хоёрын нэгнээ тэр их хайраар хайрлаж, аз жаргалыг мэдэрч суугаа нь хүн бүрийн хайрыг татаж, ёстой л хэсэгхэн хугацааны дотор нийгэмд хайр, ЭЕРЭГ хандлага түгээж орхив. Тиймээс манай сурвалжлага нийгэмд ХАЙР түгээж чадсан аав, хүү хоёрын бяцхан ЕРТӨНЦ-д зочиллоо.

Хүүгийн аавыг Б.Анхболд гэдэг. Тэрбээр амьдрал хэцүү гээд бор дарс хүртэлгүй, хулгай зэлгий хийлгүй, халамжит гэргий, хайрт хүүгийнхээ өмнө хүлээсэн хариуцлагаа ухамсарлаж, хуванцар сав түүж, өдөр тутмынхаа амьдралыг залгуулдаг. Харин түүний хүү А.Бат-Эрдэнэ аавыгаа сүүдэр мэт дагаж явдаг. Ингэхдээ нүүрэндээ аз жаргал тодруулан, аавтайгаа ноцолдон, аавыгаа өдөж хоргоосоор нэг л мэдэхэд лааз, хуванцар саваа цуглуулсаар гэртээ ирдэг гэнэ.

Тэд Чингэлтэй дүүргийн 12 дугаар хороонд байрлах "Нарантуул-2" захаас холгүй нэгэн айлын хашаанд таван ханатай гэрт амьдардаг. Б.Анхболд эхнэртэйгээ 2013 онд танилцан тусдаа гарч амьдралын гараа эхлүүлсэн. Улмаар амьдралын утга учир болсон хүү А.Бат-Эрдэнийгээ өлгийдөн авчээ. Гэвч түүний эхнэр М.Түмэнжаргал тархины өвчний улмаас групп тогтоолгон гэртээ байдаг аж. Эмчийн хяналтад байдаг эхнэр нь үе, үе эмнэлэгт хэвтэн эмчлүүлдэг бөгөөд Б.Анхболд хүүтэйгээ сав, лааз түүж олсон орлогоороо шаардлагатай эм тариаг нь байнга авч өгдөг байна.

"ААВАА" ГЭЭД ГҮЙГЭЭД ИРЭХ ХҮҮГЭЭСЭЭ АЗ ЖАРГАЛ МЭДЭРДЭГ

Аав хүү хоёр өдрийн хамгийн багадаа 5, ихдээ 10 мянган төгрөгийн орлого олдог. Түүгээрээ өдрийн мах, гурил, ээжийнхээ эм тарианы мөнгийг зохицуулдаг гэв.

Биднийг очиход салхинд хийсээд унахад бэлэн болсон ундуй, сундуй барьсан гэр угтсан юм. Б.Анхболд нэг гараараа гэрээ товхинуулах боломжгүй тул хүний гар харахаас ч өөр аргагүй, гэрээ ч янзалж амжаагүй гэлээ. Түүний баруун гарын хуруунууд нь мэдээгүй. Ямар нэгэн зүйлийг атгаж, барихад хүндрэлтэй байдаг аж. Тэрбээр дөрвөн настай байхдаа тархиндаа тал харвалт өгснөөс үүдэн гар нь ийм болж, групп тогтоолгожээ. Ийм болсондоо өөрийгөө зэмлэж, эцэг эхдээ уурлаж гомдоллож байсан ч энэ бухимдал бачимдалаа хэзээ ч архиар тайлахыг хүсээгүй. Харин ганц тайвшруулдаг зүйл нь "ААВАА" гээд гүйн ирэх бяцхан хүү нь. Хүүтэйгээ барилдаж, ноцолдож, тоглох нь түүнд хамгийн их аз жаргалыг мэдрүүлдэг, амьдралд гуниж, гутрах боломж ч олгодоггүй хэмээн ярилаа.

Тэрбээр хүүгээ юугаар ч дутаахгүй өсгөх гэсэндээ нэг гараараа цемент зөөх ажил хүртэл хийдэг байжээ. Гэвч нэг гартаа биеийнхээ бүх ачааллыг өгснөөр амархан ядардаг тул ажил олгогчид түүнийг ажиллуулахаас татгалзсан байна. Ингээд хамгаалалтын албанд орж хоёр сар ажиллахад түүнд нэг ч төгрөгийн цалин өгөөгүй нь сав, лааз түүхээс өөр аргагүйд хүргэжээ.

 

ЭХНЭРЭЭ ХУРИМЫН ДААШИНЗТАЙ ХАРАХЫГ ХҮСДЭГ

Б.Анхболд, М.Түмэнжаргал нар 2016 онд хувьцааны нэг сая төгрөгөөрөө дөрвөн ханатай гэр худалдан авч, тусдаа гаран амьдралаа эхлүүлсэн ч цахилгааны гэмтлээс болж гэр нь шатжээ. Гудамжинд хонох дээрээ тулаад байтал улсаас таван ханатай гэр үнэгүй өгч, орох орон, унтах гэртээ болсон байна. Тэд одоогоор зөвхөн өнөөдрөөрөө амьдарч байгаа ч өөрсдийн гэсэн хашаатай болж, тэндээ байшин барьж амьдрахыг хүсдэг. Мөн нууцхан нэг мөрөөдөлтэй гэдгээ Б.Анхболд хэллээ. Тэр нь ХУРИМЫН ОРДОН орж, гэрлэлтээ батлуулах. Тэрбээр "Эхнэрээ хуримын даашинзтайгаар харахыг хүсдэг ч над шиг амьдралтай хүн Хуримын ордонд орж чадахгүй байх өө. Гэхдээ эхнэртээ даашинз өмсгөөд, өөрөө пиджак өмсөөд, зангиа зүүж байгаад ч боловч зургаа авахуулах юмсан гэж бодож явдаг” гэлээ.

АРВАН ӨДРИЙНХӨӨ ОРЛОГООР ХҮҮДЭЭ ДУГУЙ АВЧ ӨГСӨН

Б.Анхболдынх ор, авдар, зурагт, ширээнээс өөр тавилгагүй. Хувцас хунар, хүүхдийн эвдэрсэн дугуйнаас өөр хүүхдийн тоглоом ч гэрт харагдсангүй. Тэд хүүгийнхээ дуртай амттан, хүссэн тоглоомыг авч өгөхийг хүсдэг ч олсон орлого нь хоногийн хоолоо залгуулахаас хэтэрдэггүй тул яах ч аргагүй байдаг гэнэ. Гэхдээ л Б.Анхболд хүүгийнхээ мөрөөдлийг биелүүлж хүүгээ баярлуулах гэсэндээ арван өдрийнхөө орлогыг цуглуулж байгаад 35 мянган төгрөгөөр дугуй авч, хүүгээ баярлуулж байснаа бахдан ярьж байлаа. А.Бат-Эрдэнэ хүү энэ жил таван настай. Дараа жил сургуульд орно. Дугуйтай л болчихвол унаад цэцэрлэгтээ явна гэж ярьдаг хүү нь энэ жил цэцэрлэгт орж чадаагүй. Учир нь хүүгийнхээ цэцэрлэгийн бэлтгэлийг хийж чадаагүй. Мөн шинжилгээг нь хаана өгөхөө мэдэхгүйгээс болж цэцэрлэгээс нь түр завсардуулсан байна.

Б.Анхболд "Би хүүгээ заавал сургуульд сургаж эрдэм номтой хүн болгоно. Би өөрөө үсэг мэдэхгүйгээс болж маш их зүйлийг алдаж байна. Сургуульд сурсан бол өнөөдөр ингэж амьдрахгүй байсан байх. Би сургуульд сурч цагдаа болохыг их хүсдэг байсан. Одоо миний хүү том болоод цагдаа болно гэж ярьдаг. Тэгэхээр миний хийж чадаагүй, бүхнийг хүү минь хийгээсэй гэж их хүсдэг.” гэсэн юм.

ААВААСАА САЛАХ ДУРГҮЙ ХҮҮ, ХҮҮГЭЭСЭЭ САЛАХ ДУРГҮЙ ААВ

А.Бат-Эрдэнэ хүү ааваасаа холдох дургүй. Б.Анхболд ч хүүгээ өөрөөсөө салгах дургүй гэнэ. Ааваасаа үргэлж элдвийг шалгааж, ноцолдож, барилдах дуртай хүүгээ том болоод мундаг бөх болоод аавынхаа нэрийг дуурсгаж явна гэдэгт итгэдгээ тэрбээр хэлж байлаа. Нэг ТҮЦ-д 8000, нөгөөд нь 7000 мянган төгрөгийн өртэй тэднийг "МОДНЫ-2"-ынхон андахгүй болжээ. Учир нь тэд таван жилийн турш нэг газраа очиж өдөр бүр лааз, сав цуглуулдаг байна. Хүү нь заримдаа амттан идэхийг хүснэ. Мөнгөгүй үе таарвал тэр хавийн ТҮЦ-нээс зээлээд л хүүдээ дуртай амттанг нь авч өгөхөөр тийм хэмжээний танил болсноо ярьж байлаа. Аавтайгаа явах хэдий сайхан ч А.Бат-Эрдэнэ хүү өдөржингөө аавыгаа дагаж явснаас болж их ядарч, өдрийн хоёр цаг орчмыг сандал дээр сууж, хэвтэх зэргээр амарч өнгөрөөдөг гэнэ. Түүнийг зарим хүмүүс гуйлга гуйж байна хэмээн буруугаар ойлгож цагдаад дуудлага өгснөөр аав, хүү хоёр хөөгдөх шахам гэрлүүгээ ирдэг гэж байлаа. Мөн Б.Анхболдын гэр бүлийг “Нарантуул-2” захынхан бүр андахгүй юм билээ. Энэ хавьд ядуу, зүдүү амьдралын нугачаанд туйлдан бодох санах зүйлгүйгээр архинд толгойгоо мэдүүлж маргаашаа мартаж өдөр хоногийг өнгөрүүлдэг олон хүн бий. Хэдий Б.Анхболд сав, лааз түүж бор хоногуудаа аргацааж байгаа ч хэзээ ч архи гэгч зүйлийг хэрэглэж байгаагүй. Архи ууж амьдралаа алдаж байгаа хүнд дургүй гэв.

А.АРИУНТУЯА: ХЭЛХЭЭТЭЙ ЮМ ШИГ ХҮҮХДЭЭ ДУНДАА ХӨТЛӨӨД ИНЭЭЛДЭЭД ЯВЖ БАЙГАА НЬ ҮНЭХЭЭР ГОЁ ХАРАГДДАГ

Түүний талаар "Нарантуул-2" захын хаалга хариуцагч А.Ариунтуяа ийн ярьж байлаа.

Хэлхээтэй юм шиг л хүүхдээ дундаа хөтлөөд инээлдээд явж байх нь үнэхээр гоё харагддаг. Би энэ хүмүүсийн талаар сайн мэдэхгүй л дээ. Нэрийг нь ч мэдэхгүй. Гэхдээ энүүгээр байнга явдаг болохоор бүр таньдаг болчихож. Би хүүхдийг нь “жаахан шар” гэдэг юм. Их сэргэлэн нүдэндээ цогтой мундаг хүү байдаг юм. Түүнийг нэг ой хүрээгүй байхаас л аав, ээж нь тэврээд явдаг байсан. Тэгэхээр гэр нь энэ хавьд л байдаг байх гэж боддог. Амьдрах гээд амьдралын төлөө яваа залуу хүмүүс шиг санагддаг. Юу нь болж бүтдэггүй юм мэдэхгүй. Болгох гээд л зүтгээд байгааг нь олон жил харж байна. Мөнгө олж болох ямар ажил байна. Янз бүрийн юм барьчихсан зараад явж байдаг. Миний мэдэхээр утасны кэйс зарах гээд л нэг хэсэг их гүйдэг байсан. Ёстой л амьдралын төлөө зүтгэж явдаг хүмүүс дээ. Хамгийн гоё нь хүүхдээсээ ерөөсөө салдаггүй. Хэлхээтэй юм шиг л хүүхдээ дундаа хөтлөөд хүүтэйгээ юуны талаар ярьдаг юм. Гурвуулаа инээгээд явж байдаг. Архи, дарс уудаггүй юм билээ. Энэ олон жил болоход нэг ч өдөр халамцуу явахыг нь хараагүй. Бидний амьдрал дунд стресс, янз бүрийн зүйл байдаг даа. Гэтэл энэ гэр бүлийг хэрэлдэж байхыг нэг ч удаа хараагүй. Бусадтай адил олсон мөнгөөрөө архи аваад уудаггүй. Үргэлж инээдтэй, аз жаргалтай, бие биедээ хайртай, энэ амьдралд дуртай тийм хүмүүс шиг харагддаг" гэсэн юм.

ЭЕРЭГ хандлага түгээсэн аав хүү хоёрт “Хүүхдийн хүчирхийллийн эсрэг тайван жагсаалын албан ёсны фэйсбүүк групп”-ын 420 мянган дагагч нэгдэж, амьдрал нь хэдий хэцүү байгаа ч аз жаргал, хайраар гэрэлтэж яваа энэ гэр бүлд өөрсдийн гэсэн хашаатай болоход нь туслах хандивийн аяныг эхлүүлээд байгаа аж.

Б.Анхболдын нэр дээр Хаан банкны 5017377484 хандивийн данс нээсэн бөгөөд холбоо барихыг хүсвэл 88103324 дугаарт холбогдохыг уриалжээ.

Х.Соёл-Эрдэнэ

 

Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
Мэдээ таалагдсан бол like & share хийнэ үү:


БУСАД

 
 
СЭТГЭГДЭЛ БИЧИХ

 

СЭТГЭГДЭЛ
ШИНЭ МЭДЭЭ
ТУЛАМ БУЛААЛДАХ ТӨРЛИЙН ШИГШЭЭ ТОГЛОЛТОД МОНГОЛ, КАЗАХСТАНЫ БАГ ҮЛДЭВ
10 цаг    

“ХАЙРХАН ХОРООЛОЛ” СӨХ-НЫ АЖИЛТАН БАЙШИН РУУ БИЕ ЗАССАН ХҮҮХДИЙГ ЗАГНАЖ, ЦАМЦААР НЬ ШЭЭСИЙГ АРЧУУЛЖЭЭ
10 цаг    

МАН-ЫНХАН "СТАНДАРТ" БАНКНЫ ӨРИЙГ ТӨЛӨХДӨӨ МӨНГӨ УГААСАН УУ?
11 цаг    

ГУРВАН ӨДӨР АРХИ СОГТУУРУУЛАХ УНДАА ЗАРАХГҮЙ
11 цаг    

ГАВЬЯАТ ТАМИРЧИН С.ТӨГСЦОГТ ХУУРАЙ АХДАА “ROLLS ROYCE CULLINAN” МАРКИЙН АВТО МАШИН БЭЛЭГЛЭЖЭЭ
11 цаг    

"ГЛОБАЛ ХУРД" ХХК"-ИЙН БАРИЛГА ДЭЭРЭЭС БЕТОН УНАЖ ИРГЭДИЙН АМЬ НАС ЭРСТЭХ ШАХЖЭЭ
12 цаг    

Б.ЧОЙЖИЛСҮРЭН: ТЭР ИРВЭСНИЙ НУТАГ ЧИНЬ ХОЛ БАЙГАА. УУРХАЙГ ЗОГСООХ БОЛОЛЦОО БАЙХГҮЙ
13 цаг    

ЗАСГИЙН ГАЗРААС ХЯТАДЫН КОМПАНИД "АМЛАСАН" 50 ГА ГАЗРЫН АСУУДЛЫГ ДОТООДЫН ХҮЛЭМЖ ЭРХЛЭГЧИД ЭСЭРГҮҮЦЛЭЭ
13 цаг    

МАРГАЛДСАНЫ УЛМААС ЭХНЭРЭЭ ХӨНӨӨЖЭЭ
13 цаг    

НИЙСЛЭЛД ОН ГАРСААР ӨНЖМӨЛ, ШАР ӨВС ШАТААЖ БАЙГААД ГАЛ АЛДСАН ДУУДЛАГА 200-Д ХҮРЧЭЭ
14 цаг    

СОНГИНОХАЙРХАН ДҮҮРГИЙН АРДЧИЛСАН НАМ ШИНЭ БАЙРТАЙ БОЛЛОО
14 цаг    

УЛААНБААТАРТ ШОРООН ШУУРГА БОЛЖ БАЙНА
14 цаг    

ЗАМ ТЭЭВРИЙН ОСЛООР НИЙСЛЭЛД ХОЁР, ОРОН НУТАГТ ЗУРГААН ХҮН АМИА АЛДЖЭЭ
14 цаг    

БОГД УУЛАНД ГАРСАН ТҮЙМЭРТ 5 ГА ТАЛБАЙ ШАТЖЭЭ
15 цаг    

МОНГОЛ, ТУРКМЕНИСТАНЫ ГХЯ ХООРОНДЫН ХОЁРДУГААР ЗӨВЛӨЛДӨХ УУЛЗАЛТ БОЛОВ
15 цаг    

МАН-ЫН СҮҮЛЧИЙН “ШАХАА” БУЮУ ЭЛЧИН САЙДУУДЫН ТОМИЛГОО
15 цаг    

ЮМСЫН ИНТЕРНЭТ БА ДИЖИТАЛ ШИЛЖИЛТ
15 цаг    

МАРГААШ БОЛОХ ИХ ЦЭВЭРЛЭГЭЭНИЙ ҮЕЭР ДАХИН БОЛОВСРУУЛАХ ХОГ ХАЯГДАЛ ХУДАЛДАЖ АВАХ 30 ЦЭГ
15 цаг    

СУРАГГҮЙ АЛГА БОЛСОН Б.УНДАРМАА ОХИНЫГ 80 ГАРУЙ ХҮНИЙ БҮРЭЛДЭХҮҮНТЭЙ ХАЙЖ БАЙНА
16 цаг    

ЯПОНЫ АСО ГАЛТ УУЛ ДАХИН ОРГИЛЖ ЭХЭЛЖЭЭ
16 цаг    

ХУУЛЬ ЗҮЙН ҮНЭ ТӨЛБӨРГҮЙ ЗӨВЛӨГӨӨ ӨГӨХ ӨДӨРЛӨГ БОЛЛОО
16 цаг    

БАЙНГЫН ХОРОО МҮОНРТ-ИЙН ҮНДЭСНИЙ ЗӨВЛӨЛИЙН ГИШҮҮДЭД НЭР ДЭВШИГЧДИЙГ ДЭМЖЛЭЭ
16 цаг    

“ИХ СУРГУУЛИЙН НОМ” УРАЛДААНЫ ШИЛДГҮҮД ШАЛГАРЛАА
16 цаг    

ГАДААДЫН 4,900 ИРГЭН ХӨДӨЛМӨРИЙН ГЭРЭЭГЭЭР МОНГОЛД АЖИЛЛАЖ БАЙНА
16 цаг    

"THE HU" ХАМТЛАГИЙН ДУУНУУД БИЛЛБОАРДЫН ХАРД РОК ДУУНЫ БОРЛУУЛАЛТЫН ЖАГСААЛТЫГ ТЭРГҮҮЛЛЭЭ
17 цаг    

БАЯНЗҮРХ ДҮҮРГИЙН ИТХ ХУРАЛДЛАА
17 цаг    

42,000 ЖИЛИЙН ӨМНӨ АМЬД БАЙСАН УНАГАНААС ШИНГЭН ЦУС, ШЭЭС ИЛЭРЧЭЭ
17 цаг    

"КАПИТАЛ" БАНКНЫ ХАРИЛЦАГЧДЫН МӨНГИЙГ ОЛГОЖ ЭХЭЛЛЭЭ
17 цаг    

ГАДААД ХАРИЛЦААНЫ САЙДАД ХАЯГЛАСАН ЗАХИДАЛД ЮУ ӨГҮҮЛЭВ?
17 цаг    

НИЙСЛЭЛИЙН НОГООН БҮСЭД АМРАЛТ, АЯЛАЛ ЗУГААЛГА ЗОХИОН БАЙГУУЛАХЫГ ХОРИГЛОЛОО
18 цаг    

АМИА АЛДСАН ЗАЛУУСЫН АР ГЭРТ ОРОН СУУЦ ӨГӨХИЙГ УРИАЛЛАА
18 цаг    

ӨРИЙГ ҮЛДЭЭХ БУС, ӨӨРСДИЙН ХЭР ЧАДЛААР БАГАССАН
18 цаг    

ГАДААД ОРНУУДАД ЭЛЧИН САЙДААР ТОМИЛОГДОХ ХҮМҮҮСИЙН НЭРС ТОДОРЧЭЭ.
19 цаг    

МОНГОЛЧУУД ЯПОН ХҮНТЭЙ АДИЛ НӨХЦӨЛД, АДИЛ ЦАЛИНТАЙ АЖИЛЛАХ БОЛОМЖ БҮРДЭВ
19 цаг    

ТАТВАРЫН БУЦААЛТЫГ ИРГЭДИЙН ДАНСАНД ШИЛЖҮҮЛЖ ЭХЭЛЛЭЭ
19 цаг    

ГУРВАН ДҮҮРЭГ, ТӨВ АЙМАГТ ЦАХИЛГААН ХЯЗГААРЛАНА
19 цаг    

НИЙСЛЭЛИЙН НОГООН БҮСЭД АМРАЛТ, ЗУГААЛГА ЗОХИОН БАЙГУУЛАХЫГ ХОРИГЛОЛОО
19 цаг    

ГУРВАН ДҮҮРЭГТ ЦАХИЛГААНЫ ХЯЗГААРЛАЛТ ХИЙНЭ
19 цаг    

ЕРӨНХИЙЛӨГЧ ХААЛТТАЙ МЭДЭЭЛЭЛ ХИЙНЭ
19 цаг    

ӨНӨӨДӨР БОЛОХ ҮЙЛ ЯВДЛЫН ТОЙМ
19 цаг    

ҮС ЗАСУУЛАХАД ӨЛЗИЙТЭЙ САЙН
19 цаг    

УЛААНБААТАР ХОТОД ӨДӨРТӨӨ 16-18 ХЭМ ДУЛААН БАЙНА
19 цаг    

М.ЧИНБАТ, С.АЛИМАНЦЭЦЭГ НАРЫГ УЕП-ЫН ОРЛОГЧООР ТОМИЛЛОО
1 өдөр    

ХОТЫН ОРЛОГЧ ДАРГА Ж.БАТБАЯСГАЛАН ЗӨВХӨН ӨӨРТӨӨ ЗОРИУЛЖ ЖОРЛОН ТОХИЖУУЛСАН ГЭВ ҮҮ?
1 өдөр    

"WENDY BAKERY” МЭРГЭЖЛИЙН ХЯНАЛТЫН ШАЛГАЛТАД БҮДРЭВ
1 өдөр    

“ШИНЭ МОНГОЛ” СУРГУУЛИЙНХАН Ё.БААТАРБИЛЭГ САЙДЫН ТУШААЛЫГ ӨӨРЧЛҮҮЛЭХЭЭР ЭЛДЭВ АРГА СҮВЭГЧИЛЖ ЭХЭЛЖЭЭ
1 өдөр    

МОНГОЛ ТУУРГАТАН ТЕАТРЫН УРАН БҮТЭЭЛЧДИЙН "НАРАН УРГАХУЙ" ЭМГЭНЭЛТ ДРАМЫН ЖҮЖИГ УДЭТ-ИЙН ТАЙЗНАА ТОГЛОГДОНО
1 өдөр    

НИЙТИЙН ЭЗЭМШЛИЙН 25 БАЙРШИЛД ЗАМ ЧӨЛӨӨЛӨЛТ ХИЙГДЖЭЭ
1 өдөр    

ШУУРХАЙ: БОГД УУЛАНД ДАХИН ТҮЙМЭР ГАРЛАА
1 өдөр    

ТЭРГҮҮН ЗЭРГИЙН МӨНГӨН ДЭВСГЭРТ “ХЭВЛЭГЧ” ГЭГДДЭГ Б.ЭНХХУЯГ МОНГОЛБАНКИНД САНААРХАЖ ЭХЛЭВ ҮҮ?
1 өдөр    


Нүүр хуудас | Фото мэдээ | Видео мэдээ | Сурталчилгаа байршуулах | Холбоо барих Утас: 89460-008, 7711-2424
© 2016 он. Зохиогчийн эрх хуулиар хамгаалагдсан. ARDCHILAL.MN.