Оюутолгойн ордыг агшиглах дүгнэх ажлын хэсгийн дүгнэлтийн хариуг Монгол улсад ашигтай байгаа эсэх талаар Монгол улс энэ ордын 51 хувийг эзэмших ёстой. Мөн оюутолгойн ордыг ашиглаж  байгаа Рио Тинто ХХК Оюутолгой болон бусад хөрөнгө оруулалт хийсэн компаниуд Өмнөговь аймагт дагавар хот байгуулах ёстой гэсэн байр суурийг илэрхийлсэн хэвлэлийн хурлыг “Улсаа аврах ард түмний үндэсний хөдөлгөөн”-өөс хийлээ. Үүнтэй холбоотой оюутолгойн ордын төв оффисын үүдэнд ард иргэдээс санал авч гарын үсэг цуглуулах ажлыг зохион байгуулжээ.

 Үүнд одоогоор 8000 гаруй иргэд гарын үсэг зурсан байна.

Тэд мөн хэвлэлийн хурлын үеэр УИХ-ын дарга М. Энхболдод шаардлага хүргүүлж маргааш гардуулж өгөхөөр бэлдээд байгаагаа мэдэгдсэн. Уг шаардлагад “Энэ засгийн бодлого шийдвэрүүд улсын эдийн засгийн байдлыг доройтуулах, хувийн эрх сонирхолын дор явагдаж, ард түмний эрх ашгийг зөрчсөн, гадны иргэдийн захиалгаар хууль боловсруулан гаргасаар ард түмэн үүрч байна. Төрийн албаны 60 тэр бум төгрөгийн асуудал үнэн гэдийг тухайн үеийн МАН-ын хорооны дарга Ц.Сандуй болон хууль зүй дотоод хэргийн сайд Ц. Нямдорж зэрэг хүмүүс нотолсон.

Үүнтэй холбоотой яригдсан батлан хамгаалах болон хил хамгаалах газрыг гадныханд зарах тухай яриаг УИХ гишүүн Ж. Батзандан ардчилсан намын бүлгийн хурал дээр ярьсан бичлэг цахим орчинд тарсан. Оюутолгойн гэрээний ажлын хэсгийн дэд ажлын хэсэгтэй нууцын баталгаа байгуулж илэрсэн хууль бус бүх асуудлыг ил тодоор ард түмэнд нээлтэй байлгах эрхийг хаасан байна. Мөн оюутолгойн хөрөнгө оруулагчид өөрсдийн талд ашигтай хууль гаргуулж татварыг багасгах нууц хурлыг АCEM Villa хотхонд зохион байгуулж улмаар хэвлэл мэдээллийн байгууллагууд, төрийн өндөр албан тушаалтнуудын амын хаах гэсэн албан бичиг хүргүүлсэнийг УИХ гишүүн Ч. Улаан мэдэгдсэн” хэмээгээд УИХ гишүүд болон даргыг ард түмэнд өргөсөн тангарагаасаа уравсан гэж үзэж огцрохыг шаардаж байгаагаа мэдэгдлээ.

Мөн энэ мэдэгдэлдээ оюутолгойн гэрээний гэрээ хэлэлцлийг хийхдээ 76 гишүүний сэтгэцийн шалгуулах шаардлагатай гэж дурьдлаа. Эрх мэдэлтнүүдийн гаргаж буй шийдвэр нь улс орон ард түмний төлөө бус намын бүлэглэл гадаадын хөрөнгө оруулагчидад зориулагдаж байна хэмээн үзээд байгаа аж. УИХ-д байхдаа яриж байсан буухдаа эсэргүүцэж эхэлдэг туушдаа биш байна гэсэн байр сууриа илэрхийлээд байгаа юм. Оюутолгойн гэрээг шалгах ажлын хэсгийн гишүүн Б. Жагар “Монголын ард түмэн хувьсгал гаргахаар бэлдэж байна” гэлээ.