тусламж гуйсан. Өнгөрсөн наймдугаар сараас хойш Ж.Эрдэнэбатын Засгийн газар зугээр суугаагүй. 30 гаруй орон, 72 банк санхүүгийн байгууллагаас мөнгө гуйсан ч тусыг эс олжээ.

Хамгийн сүүлчийн найдвар бол Олон улсын валютын сан байлаа. Тэндээс ирэх дүн шинжилгээний хариу Засгийн газар цаашлаад Монгол Улсын хувь заяаг шийдэх байлаа. Дампуурлаа зарлах уу, эдийн засгийн тусгай хөтөлбөрт хамрагдах уу гэсэн асуултын хариу ирэх байв. Монгол Улсын Засгийн газар ДОХ-ын шинжилгээний хариугаа хүлээж буй залуу шиг сэтгэл дэнслэн хүлээж байсан хариу гарч эдийн засаг нь онцгой хүндэрсэн сэхээнд орчихсон улс оронд үзүүлдэг “Extended fund facility” хөтөлбөрт(эмчилгээнд) хамрагдлаа.

Энэ хөтөлбөрт Африкийн голдуу хөгжил буурай улс орнууд хамрагддаг. Өөрөөр хэлбэл Монгол Улс Азийн тивийн Африкийн өлсгөлөн ядуурал нүүрлэсэн орнуудын нэг болж байна гэсэн үг. “Extended fund facility” хөтөлбөрт хамрагдснаар Засгийн газрын бүх эрх мэдэл Олон Улсын валютын санд шилжинэ. Ерөнхийдөө бол Ерөнхий сайдын ажил хөнгөрч бүх эрх мэдэл гадны санхүүгийн байгууллагад шилжиж байгаа юм. Эдийн засгаа унагаасан гэх хариуцлагаас бүрэн чөлөөлөгдсөн гэж ойлгож болно.

Олон Улсын валютын сан орж ирэхээсээ өмнө болзлуудаа тулгаж эхэллээ. Эхний ээлжинд ямар ч найраагүйгээр халамжуудыг танах биш хасах шийдвэр  тулгасан. Халамжийг хасах шийдвэр гаргахтай зэрэгцээд 450 сая ам.доллар Монгол банкинд орж ирэх болно. Засгийн газар 450 сая ам.долларыг дуртай үедээ хэрэглэхгүй. Хэдийд юунд зарцуулахыг Олон Улсын валютын сангийн зөвлөгч нар шийднэ.

Монгол Улс өглөө, өдөр, орой ямар хоол идэхийг тэд заана. Ерөнхийдөө бол улс орон даяараа “Жингээ хасах”, “Хоолны дэглэм” гэх мэт уралдаанд оролцож эхэлсэн хэрэг юм. Өмнө нь Засгийн газар элдэв хөтөлбөрт хамрагдаж байсан. Гэхдээ энэ удаагийн шиг хатуу шаардлагатай, эрх мэдлээ алдсан хөтөлбөрт хамрагдаж байсангүй.

Энэ хөтөлбөртэй зэрэгцээд  Ж.Эрдэнэбатын Засгийн газар огцрох, Ерөнхийлөгчийн сонгуульд ялагдах байдал МАН-д үүсэх нь тодорхой. Халамж дээр тогтдог улс төр үгүй болохын цагт МАН дотор том хагарал үүснэ. Анхны эхнэрээсээ салчихвал дараагийнх нь шуудардаг гэдэг шиг МАН олонхийн зовлонгоо эдлэн Засгуудаараа тоглох ажиллагаанд татагдан орлоо.

Т.Эрдэнэ