Мэдээ
УЛААНБААТАР ºC
USD АНУ доллар 2,495.23
2021 оны 04-р сарын 22
Мэдээлэл хайх:
Зөвлөгөө | 7 хоногийн тойм | Олны танил | Шар | Танин мэдэхүй | Түүхэн хүмүүс | Кино урлаг | Дуу хөгжим | Номын ертөнц | Гадаад мэдээ | +18

Хоёрдугаар сарын өрнийн зурхай

НИЙТЛЭСЭН: 2021-02-01 10:27:06
Бусад > Зөвлөгөө | Сэтгэгдэл: 0

2021 оны хоёрдугаар сарын өрнийн зурхайг хүргэж байна. Таны энэ сарын үйл хэрэг, ажил үйлс, амжилт бүтээл, хайр дурлал, гэр бүлийн байдлыг од гариг эрхэст хэрхэн зөгнөж буйг хүлээн авна уу.

ХОНИНЫ ОРД

Сарын эхээр шударга үнэнийг дэнслэх ба танаас зарчимч байхыг шаардах болно. Аливаа шийдвэрийг гаргахдаа итгэлтэй хүмүүстэйгээ сайтар зөвлө. Бодлогогүй алхмаас болж ихээхэн хэмжээний хохирол амсч болзошгүй. Ганц бие хүмүүсийн хайр дурлалын харилцаа дараагийн үе шатандаа орж эхэлнэ. Шийдэмгий бус байдлаасаа болж азтай учралыг алдаж магад. Албан томилолтоор явбал та сонирхолтой хүнтэй танилцах магадлалтай. Худалдаа хийх болон гэрээ байгуулах бол урьд нь төлөвлөсөн зүйлүүдээ л хэрэгжүүл. Эрүүл мэндийн хувьд амьсгалын замын халдварт өвчнөөс болгоомжил. Сарын дундуур урлагийн болон дизайны чиглэлээр ажилладаг хүмүүс амжилт олно. Гэр бүл, хайр сэтгэлийн хувьд азтай явдал тохиолдох байх. Бусад хүмүүс ч ажил мэргэжил, хичээл сурлага, шинжилгээ судалгаандаа багагүй амжилт олно. Таны амьдралын эрч хүч аажмаар нэмэгдэнэ. Төрийн болон хууль сахиулах байгууллагатай таарамжгүй харьцах магадлалтай. Сарын сүүлээр санхүүгийн хувьд тогтворгүй байх тул зугаа цэнгэлд хамаагүй мөнгө үрэхгүй байхыг хичээ. Өөртөө үргэлж шинэ боломжуудыг нээхийг эрмэлзэх хэрэгтэй. Анхаарлаа төвлөрүүлэх, оюун санаагаа цэгцлэхэд төвөгтэй байх болно. Нэр хүндтэй хүний зөвлөгөө танд урам оруулах болно. Эрч хүч нэмэгдэж, ажлын ачааллаа бага ч болов хөнгөрүүлэх боломж олдоно.

ҮХРИЙН ОРД

Сарын эхээр хуучны танилуудтайгаа холбоогоо сэргээнэ. Санамсаргүй танилтай болох ч магадлал өндөр. Боломжийн хэмжээнд санхүүгийн байдлаа дээшлүүлэх магадлалтай. Ажлын ачаалал, үүрэг даалгаврын хэрэгжилтээс болж хэцүү байдалтай тулгарна. Зорилго тодорхой ажлаа шууд барьж ав. Ганц бие хүмүүс гэр бүлтэй болох анхны алхмаа хийнэ. Хувийн амьдралаа зохицуулах шаардлага үүснэ. Та эрсдэл хүлээх үйл ажиллагааг хийхэд бэлэн байна. Гэвч та хүссэндээ одоохондоо хүрч чадахгүй л болов уу. Ихэнх үхрүүд амьдралаа өөрчлөх босгон дээр зогсож байна. Эд материалын ихээхэн хүч шаардагдах зүйлээр оролдох хэрэггүй. Нийгмийн амьдрал, гадаад нөхцөл байдал хурцадмал шинжид хүрч болзошгүй. Шинэ ажил эхлэхэд таагүй. Санхүүгийн хүндрэлээс гарахын тулд багагүй хүчин чармайлт гаргах хэрэгтэй байна. Сарын дундуур хөрөнгө мөнгөний боломжтой үхэрийнхэн автомашин эсвэл байр худалдан авах талаар хөөцөлдөхөд сайн. Гэрээ хэлэлцээр хийх ажилд аз туршиж болохгүй, бүх бичиг баримтыг шалга. Ажлын үр дүнд л гол анхаарал тавь. Гэр бүлд хэрүүл маргаан гарч болзошгүй. Дотны хүндээ хоёр нүүр бүү гарга, өөрийн үүргээс бүү зайлсхий. Мэргэжлийн ур чадвар сайтай үхэрийнхэн хамт олондоо үнэлэгдэнэ. Амжилтанд хүрэх шинэ боломжууд хай. Нэг байрандаа удах хэрэггүй.

ИХРИЙН ОРД

Таны санхүүгийн асуудал бэрхшээлтэй ч боломж байсаар байна. Олон нийтийн болон улс төрийн арга хэмжээнд оролцох шаардлага үүснэ. Бусдын аманд орж уруу татагдаж, хууртах магадлал өндөр. Аливаа зүйлийг олон талаас нь бодож тунгаан шийдвэрээ гаргаарай. Амьдралын талаарх өөрийн үзэл бодолдоо тогтвортой итгэлтэй бай. Хуримтлуулсан мэдлэгээ амьдралд зөв ашиглах нь чухал. Халдварт өвчин тусахаас сэргийл. Биеийн дархлаагаа сайжруулах бэлдмэл хэрэглэ. Өөрийн хайхрамжгүй байдлаасаа болж эрүүл мэндээ муутгаж болзошгүй байна. Туршлагаа нэмэгдүүлэх шинэ мэдлэг олж авахыг хичээ. Сарын дундуур хөрөнгө оруулалтын асуудал чухлаар тавигдах болно. Төлөвлөсөн ажлуудаа шат ахиулж чадвал эрч хүч авна. Ганц бие хүмүүс гадаад үзэмжиндээ өндөр ач холбогдол өгч, гоо сайханд их цагийг зарцуулна. Хайр дурлал зам дээр тосно. Зарим хайрын харилцаа нь асуудалд орсон ч хайр сэтгэлтэй хүмүүс бүгдийг давж чаддаг гэдгийг та хоёр нотолно. Бизнесээ өргөжүүлэхийн тул ямар боломжуудыг ашиглаж болох талаар шинэ шийдэл хайна. Аз сорьсон зүйлд мөрий тавих хэрэггүй. Хувь заяа азаар буян хишиг хайрлана хэмээн горьдох хэрэггүй.

МЭЛХИЙН ОРД

Ажил хэрэг тань танаас төлөвлөгөөтэй байхыг шаардах болно. Сайтар төлөвлөж чадсан бол мөрөөдөл биелж их ашиг олно. Ганцаараа шийдэж чадахгүй бол мэргэн зөвлөгчөөс тусламж гуй. Амьдралын эрч хүч тань нэмэгдэж, та өөдрөг сэтгэлээр орчин тойрныхонтойгоо харилцана. Уран сэтгэмж, сэтгэлийн хөдлөлөө ашиглан янз бүрийн хүмүүстэй танилцах эрсдэлтэй алхмуудыг хийнэ. Ганц бие эрчүүлд хайрын учрал тохионо. Энэ нь гэхдээ гүнзгийрч гэрлэлт болохгүй түр зуурынх байх магадлалтай. Урлаг соёлын алдартнууд шүтэн бишрэгчиддээ таатай сайхан сэтгэгдэл төрүүлэхээр чармайна. Ашиг орлого аажим нэмэгдэх болно. Хуримтлуулсан мөнгөө банкинд хадгалуулах эсвэл ашигтай зүйлд хөрөнгө оруулалт хийхийг зөвлөж байна. Өнгөрсөн үеийн учрал эргэж санагдана. Сарын сүүлээр амьдралын чухал хэсэгт ялалт байгуулж сайн үр дүн авна. Та адал явдалд дуртай бол амьдралын бодит дүрийг та өөрөө олж харж байна. Мэргэжлийн хандлага сайн байх тул ажил хэрэгч чадваруудаа нээн харуул. Өөртөө байгаа сайн зан чанар, мэдлэг чадвараа бусдад харамгүй зориул. Хариуд нь та таатай харилцаа, нэр төр олж авна. Мөнгөний асуудал дээр бусдад бүү итгэ. Санхүүгийн асуудалд хариуцлагатай ханд. Хүлээцтэй байж, гэнэтийн учралд ухаалаг ханд. Зарим мэлхийнхэн тодорхойгүй үеийг дуустал гэр бүл болох, хүүхэдтэй болох зэрэг асуудлуудаа хойш нь тавь.

АРСЛАНГИЙН ОРД

Энэ сарын эхэн үед та амьсгалын замын болон хоол боловсруулах эрхтнээ гадны хорт зүйлсээс хамгаалах хэрэгтэй. Ердийн ажил төрөл, гэр бүлийн харьцаандаа сэтгэл хөдлөлөө хутгавал зөрчил үүснэ. Аливаа харилцаанд худал жүжиглэхээсээ илүү сэтгэлээсээ бай. Туршлагатай хүмүүсээс зөвлөгөө авахад сайн цаг үе. Сургалт судалгаа, эрдэм шинжилгээний ажилд оролцох, мэргэжлийн хүмүүсээс мэдлэг, туршлага суралцахад таатай байна. Сарын дунд үед өмчлөлийн маргааныг шийдвэрлэхэд таатай. Найз нөхөд болон хамт ажилладаг хүмүүстэйгээ харьцах харьцаанд хүндрэл гарах магадлалтай байна. Сандарч түгшин, өөрийгөө хуурмаг байдлаар өөрчилсний хэрэггүй. Хэт тостой эсвэл халуун ногоотой хоол хэтрүүлж идэх, архи согтууруулах хэрэглэх хэрэггүй. Гэр бүлд үл ойлголцол гарсан ч удахгүй эвлэрнэ. Санамсаргүй байдлаас гэмтэл авах магадлалтай. Техникийн аюулгүй ажиллагааны дүрмийг чанд баримтал. Сарын сүүл рүү таны санхүүгийн байдал сайн тал руу эргэх боломж гарна. Одоогоор ашиг өгч эхлээгүй ч үйл ажиллагаа нь танд итгэл өгдөг ажил хэргээс яаран татгалзах хэрэггүй. Од эрхсийн нөлөөгөөр таны бодол санаа, үйл хөдлөл зарим зүйл дээр баримжаа алдсанаас хүндрэл учирсан байж магадгүй.

ОХИНЫ ОРД

Арилжаа наймаа хийх бол эрсдэлийг хамгийн их байхаар тооц. Хамтын ажиллагааны гэрээ хэлцэл байгуулна. Аз сорьж, өөр дээрээ туршилт бүү хий. Амьдралын хэв маягаа өвөрмөц байлгах гэж бүү оролд. Таны өмнө шинэ амьдралын үүд хаалга нээгдэх боломж байна. Гэвч эгэл ертөнц таны мөрөөдлийг буулган авах нь амар байна. Иймд зорилгоосоо бүү ухар. Од эрхсийн нөлөөгөөр олон зүйлс таны гайхамшигтай ажлын чадвар, шургуу байдал, ажил хэрэгч оюун ухаанд захирагдана. Харин мэргэ төлгөнд хэт итгэж болохгүй. Санхүүгийн алдагдалд орох эсвэл нэр хүнд унахаас сэргийл. Ойр дотны хүмүүстэйгээ харьцах харьцаагаа сайжруулж чадна. Сарын дундуур хайр дурлалаа илчлэхэд тохиромжтой. Хосуудын харьцаа романтик байна. Мэргэжлээрээ түвшин дээшлүүлэн сурах тухай бодож болно. Өөрийгөө зөв нээн харуулахад тохиромжтой байна. Мэргэжлийн ажилдаа амжилт гаргахыг од эрхэс зөгнөж байна. Гэхдээ ганцаараа зүтгэлгүй багаар ажилла. Хайр сэтгэлийн мухардалд орсон харилцааг сэргээх үйл явдал болно. Ихэнх охиныхон хайр сэтгэлийн романтик харьцаагаа өөрчилж магад. Сарын сүүлээр гэнэтийн аюул ослоос сэрэмжилж жолоо барих болон машинаар зорчихдоо болгоомжтой бай. Та эрүүл мэндтэй холбоотой асуудлуудад хойрго хандаж болохгүй. Буруу зуршлаа хаяж, эрүүл амьдрах хэв маягийг мөрдвөл өвдөхөөс сэргийлж чадна. Ганц бие хүмүүс хайр дурлалтай учирна.

ЖИНЛҮҮРИЙН ОРД

Сарын эхээр эрүүл мэндээ болон эргэн тойрноо хайрладаг хүмүүсийг од эрхэс ивээнэ. Ажил хэрэг өрнүүн байж, өрсөлдөгчдөө ч хүлээн зөвшөөрөгдөж чадна. Харин хөрөнгө санхүүгээ баталгаатай болгох гэсэн хүсэл таныг харамч болгож мэднэ. Ирээдүйд хамтрах сайн хүмүүстэй учирна. Албан ажил эрхэлж буй хүмүүс танилын харилцаагаа өргөтгөхөд анхаар. Санхүүгийн асуудлаас болж сэтгэл тогтворгүй байна. Аливаа шийдвэр гаргах гэж яарах хэрэггүй. Өмнө нь гаргасан алдаагаа давтаж болзошгүй тул анхаар. Уран бүтээлийн эрэл хайгуулыг өчүүхэн зүйлээс ч хай. Түншүүдтэйгээ гэрээ хэлэлцээр хийх, судалгаа явуулах, шаардлагатай мэдээлэл олж авах магадлалтай. Олон янзын эх үүсвэрээс мэдээллүүдийг цуглуулан харьцуулж алтан дунджийг ол. Сарын дундуур зарим хүмүүс ажил хэргийн хамтрагч, заяаны хань зэрэг чухал сонголтууд хийх бололтой. Санхүүгийн гарлага гарах магадлалтай тул сэтгэл зүйн бэлтгэлтэй бай. Танд нэмэлт орлого олох боломж гарна. Тантай байр суурь нийлдэггүй, өөр зан араншинтай хүмүүстэй зөрчилдөж болзошгүй. Хосуудын таагүй харьцаа аажмаар зөөлөрч ирнэ. Эсрэг хүйсийн хүмүүсийн дунд таны нэр хүнд өндөр байна. Амьдралдаа ямар нэгэн зүйлийг эрс өөрчлөхөөр шийдсэн бол хойш тавилгүй эхэл. Үр хүүхэд болон ойр дотны хүмүүсдээ анхаарал хандуул. Амьдралынхаа хэв маягт шинэ зүйлийг нэвтрүүл. Одоогийн орлогын нөхцөл байдал танаас яаралтай арга хэмжээ авахыг шаардана.

ХИЛЭНЦИЙН ОРД

Сарын эхээр шинэ ажил хэргийн холбоо байгуулах талаар эртнээс судалж төлөвлөгөө гарга. Албан тушаал ахих эсвэл цалин нэмэгдэх боломж гарна. Боломжийг алдалгүй, өөрийгөө бүрэн дүүрэн илэрхийл. Зарим боломж ахиж олдохгүйг бүү март. Хэрэв та урлагийн хүн бол авьяас чадвараа уран бүтээлдээ бүрэн зориул. Ундарсан эрч хүчээр ид шидийг бүтээж чадна. Шинэ мэдлэг эзэмших орчин үеийн шинжлэх ухаан судлахад сайн. Нийгмийн хөгжил болон тогтвортой байдлыг бэхжүүлэхэд чиглэсэн үйл ажиллагаанд идэвхтэй оролцоно. Сарын дундуур маш шургуу ажиллах хэрэгтэй болж байна. Хэдийгээр бусад хүмүүсээс байнга тусламж ирэх боловч өөрийн төрөлхийн шургуу зангаа сайн ашиглахыг одод зөвлөж байна. Та гэр бүлээ ч ажлаа ч тэнцвэртэй авч явах цаг болжээ. Мөрөөдлөө цэгцэлж, ирээдүйгээ сайнаар төсөөл. Эхэлсэн ажлаа дунд нь орхилгүй, зорилготой, тууштай ажиллавал амжилтад хүрнэ. Өөрийн дотоод мэдрэмжийг сайн ажигла. Аливаа хоосон амлалтаас аль болох зайлсхийхийг од эрхэс танд зөвлөж байна. Хайр сэтгэлийн харилцааныхаа үнэнч эсэхэд эргэлзэх хэрэггүй. Гэр бүл зохиох хүслээ амьдралд зоригтой хэрэгжүүл. Хувийн амьдралд чухал үйл явдал болно.

НУМЫН ОРД

Сарын эхээр эрч хүчтэй байх тул хүссэн зүйлээ өөрийн болгох бодол давамгай байна. Эргэн тойрныхоо хамтрагч нарын итгэлийг олбол сэтгэл санаа тань өөдрөг байх болно. Ажил хэрэгтээ бүх хүчин чармайлтаа гарга. Ажлын амжилтанд танил найзуудынхаа онцгой зөвлөгөөнүүдийг хэрэгжүүлэхэд сайн нөлөөлнө. Шинэ сэдэл уран бүтээлийн эрч хүчийг нэмэгдүүлнэ. Хөрөнгө оруулалт хийхээсээ өмнө сэтгэл хөдлөлдөө авталгүй төсөв ба тогтмол орлогоо хяна. Шинээр хөгжиж буй гарааны компаниудад таатай байна. Үйлчилгээний салбарын ажилтнууд онцгой анхааралтай бай. Өөрийн хүчин чармайлтаар мэргэжлийн хувьд шинэ түвшинд гарах сайхан боломж олдоно. Ирээдүйн төлөвлөгөөгөө эргэж сайн нягтал. Амьдралыг тань өөрчлөх гэнэтийн учрал тохиолдож болзошгүй. Хэн нэгэн тусламж гуйвал өөрийн боломжоор дэмж. Хайр сэтгэлийн харилцаа тогтворгүйтэж магад. Биеэ барихыг хичээх боловч харилцан итгэлцэл, сэтгэлийн хат үгүйлэгдэх болно. Эрч хүч болон уран бүтээлч байдал нэмэгдэнэ. Өөртөө итгэлтэй байвал бусдаас үл шалтгаалан амжилтын оргилд хүрнэ. Олсон орлого урсгал зардалд зарцуулагдана.

МАТРЫН ОРД

Хөрөнгө санхүүгийн асуудалд эрс шийдвэр гаргахгүй, болгоомжтой тэвчээртэй байхыг од эрхэс зөвлөж байна. Од эрхсийн дохиог зөн совингоороо зөв тайлж унших нь сайхан амьдрах нэг үндэс болно. Ажлаа зөв хуваарилж тавьсан зорилго руугаа зоригтой алх. Хийж бүтээж буй ажил тань амжилт руу хөтлөхийг од эрхэс билэгдэж байна. Өөрийн зорилгоо зөв тодорхойлж чадахгүй бол өөртөө итгэлгүй болж шийдвэр гаргахдаа цаг алдана. Хэт хөнгөн зан гаргаж, анхаарлаа сарниулж болохгүй. Та хувийн амьдралдаа өөрчлөлт хийхээр шийдсэн бол зоригтой хэрэгжүүлж эхэл. Хувь заяа гэнэт эргэж болзошгүйг од эрхэс анхааруулж байна. Адал явдалд орооцолдсоны хэрэггүй. Бизнес эрхлэгч матарынхан банк, санхүүгийн байгууллагуудтай хамтран ажиллах ажиллагаандаа муугүй боломж олно. Орлого удаашрах тул гэр бүлийн хэрэгцээт зарлагаа найз нөхдөөсөө авах хэрэгтэй болно. Уран бүтээлч хүмүүс дуусгаж чадаагүй байсан бүтээлээ хөнгөхөн туурвиж, бүгдийн анхаарлын төвд байх болно. Эрч хүчээ бүрэн ашиглахыг хичээ. Хайр дурлалын хувьд сайхан харьцаатай байна. Сайхан амьдрах зорилгодоо хүрэхэд аливаа зөв үйлдэл багадахгүй. Ганц бие хүмүүс гэр бүлийн байдлаа өөрчлөх гэж бүү яар. Унаган авъяас тань идэвхжих сайн талтай. Эрүүл мэндийн хувьд учир шалтгаан мэдэгдэхгүй бие хямарвал хоолны зөв дэглэм баривал удахгүй бүгд хэвийн байдалдаа буцаж орно. Хэт түлсэн, тостой хоол идэхгүй байхыг зөвлөж байна.

ХУМХЫН ОРД

Сарын эхээр та чухал хэлэлцээр байгуулж чадвал удахгүй ашигтай арилжаа наймаа хийнэ. Ихэнх хүмүүс онцгой нөхцөлд орох тул сэтгэл зүйгээ бэлэн байлгахыг хичээ. Уран бүтээлч хүмүүс ч олз омогтой байх болно. Санхүүгийн тулгамдсан асуудал шийдэгдэж, жаахан амьсгаа авна. Шинэ ажил эхлэх болон хувийн амьдралаа өөрчлөх зэрэг шийдвэр гаргахын өмнө бүрэн мэдээлэл цуглуулж, туршлагатай хүмүүсийн зөвлөгөөг ав. Шинэ найз нөхдийн холбоо тогтоох, амьдралдаа шинэ хэмнэл оруулах боломжийг энэ цаг үед бүү алд. Хосуудын харьцаа хайр дурлал гал цоггүй, нэгэн хэмийн уйтгартай болж магадгүй. Хайртай хүндээ шинэлэг зүйл сюрприз барь. Сарын дундуур эрч хүчээр дүүрэн байх тул та шударга үнэнийг тогтоохыг хүснэ. Итгэлтэй байдал санхүүгийн амжилтад хүргэнэ. Уран бүтээл туурвидаг хүмүүсийн хувьд таатай байна. Ирээдүйн зорилгодоо хүргэхэд туслах хэрэгтэй мэдээллийг олж авна. Архаг хууч өвчин хөдөлж болзошгүй. Эрүүл мэндийн байдлаас болж чухал уулзалт хойшилж магадгүй. Эрч хүчээ дэмий зүйлд тарамдуулахгүй байхыг хичээ. Ажил хэрэгтээ өвөрмөц төлөвлөгөө хэрэгжүүл. Таны өмнө шийдвэрлэвэл зохих харилцааны асуудлууд тулгарах болно. Хайртай хүндээ ирээдүйн амьдралыг хэт сайхнаар төсөөлөн амлах гэсний хэрэггүй. Найз нөхдөдөө ажил хэргийн сонирхолтой санал тавь. Өөрийгөө шинэ зүйлээр цэнэглэхэд бэлэн бай.

ЗАГАСНЫ ОРД

Энэ сарын эхэн үед хувийн бизнес хийдэг хүмүүс амжилттай үйл ажиллагаа явуулахад хүндрэлтэй байх болно. Хэцүү байсан ч та алсын ашгаа бодож буулт хийхэд бэлэн бай. Орлогоо бага гэхгүй атга атгаар ахиулан нэм. Амьдралд муугаар нөлөөлөх хүмүүсээс зайлсхий. Сарын дундуур сэтгэл гутрал заналхийлж байна. Яг энэ цагт сэтгэлийн тэнхээ хамгийн чухал байна. Эрч хүч буурах тул чухал зүйлд цагаа зарцуул. Мөн эрүүл мэндэд аюул учирч болзошгүй. Архаг хууч өвчин хөдөлж болзошгүй. Энэ үед байнга эрүүл мэндийн урьдчилан сэргийлэх арга хэмжээ авч байх нь сайн. Олон нийтийн арга хэмжээнд санаачлагатай оролц. Хүмүүст нөлөөлөх төрөлхийн чадвараа ашиглан нийгмийн идэвхтэй бай. Бусдаас бурууг бүү хай, энэ нь нэр төрд чинь л муугаар нөлөөлнө. Сарын сүүл үед үймээн шуугиантай газраас хол бай. Өөр газар оронд нүүн шилжих эсвэл байраа солих санаа төрж магадгүй. Ашигтай мэдээлэл олж авч цаг алдалгүй өвөрмөц шийдвэр гарга.

Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
Мэдээ таалагдсан бол like & share хийнэ үү:


БУСАД

 
 
СЭТГЭГДЭЛ БИЧИХ

 

СЭТГЭГДЭЛ
ШИНЭ МЭДЭЭ
Азийн аваргын төлөө дөрвөн бөх барилдана
4 өдөр    

"Навальный хэзээ ч үхэж магадгүй байдалтай байна"
4 өдөр    

Эцэг, эхдээ хөөгдсөн Япон бүсгүй
4 өдөр    

СГЗ Ай.ТӨМӨР-ОЧИР: Овоон дээр суусан " ШААЗГАЙ " ... Орилж ШАГШИРСАНЫ шаналан
4 өдөр    

"Хөл хорионы үед хоол хүргэлтийн үйлчилгээ зөвшөөрөгдөөгүй"
4 өдөр    

А.ДАВААДОРЖ: Бид хүсвэл гурван жилийн дотор гангийн үйлдвэртэй болж чадна
4 өдөр    

Ерөнхийлөгчийн хар технологийг Сүнээ амжилттай хэрэгжүүлэв
5 өдөр    

Реппер Gee тэргүүтэй esports-ийн баг өнөөдөр чухал тоглолт хийнэ
5 өдөр    

Улаангомд 1, Өндөрхангайд 2 тохиолдол нэмэгдлээ
5 өдөр    

Хэнтийн 2 суманд тодорхойгүй хугацаагаар хөл хорилоо
5 өдөр    

Монголын эмэгтэй баг түүхэндээ анх удаа Азидаа тэргүүллээ
5 өдөр    

"Луйвардуулсан хөрөнгө оруулагчид олон улсын шүүхэд хандана"
5 өдөр    

Гэрээр эмчлэгдэж буй иргэдийг тусгаарлах байранд татан авна
5 өдөр    

ҮХЦ: Ерөнхийлөгч Х.Баттулга дахин нэр дэвших эрхгүй гэж дүгнэжээ
5 өдөр    

Алейка будаанаас хорхой гарчээ
1 долоо хоног    

ЗОХИОЛЧ Ц.ГАЛБАДРАХ: Могой болж төрнө
1 долоо хоног    

Ц.Анандбазарын авлигын үзүүрт У.Хүрэлсүх байсан бол яах вэ?
1 долоо хоног    

Япончуудын 70 хувь олимпийг цуцлах, хойшлуулахыг хүсчээ
1 долоо хоног    

"Мазаалай" бондын төлбөрийг бүрэн төлж барагдууллаа
1 долоо хоног    

БНСУ гадаад ажилчдын визийг нэг жилээр сунгахаар болжээ
1 долоо хоног    

АНУ-д монгол залуу буудуулж, эмнэлэгт хүргэгджээ
1 долоо хоног    

Т.ГАНБОЛД: Сөрөг хүчин дэндүү сул дорой байна
1 долоо хоног    

Монголын баг, тамирчид олимпод оролцох 21 эрх аваад байна
1 долоо хоног    

Энэтхэг улс “Sputnik V” вакциныг бүртгэн авчээ
1 долоо хоног    

БНСУ дотооддоо үйлдвэрлэсэн сөнөөгч онгоцоо танилцуулав
1 долоо хоног    

Хөл хориог 28 хоног тогтоовол VII сард 10-аас доош тохиолдол бүртгэгдэнэ
1 долоо хоног    

"Өлсгөлөн зарласан Навальныйг хүчээр хооллохыг оролдож байна"
1 долоо хоног    

Самарт явсан зургаан залуу угаартан нас баржээ
1 долоо хоног    

“TikTok”-ийн хэрэглээг хянахыг эцэг, эхчүүдэд анхааруулав
1 долоо хоног    

БШУЯ: ЭЕШ-ыг долдугаар сарын 1-нээс 4-ний хооронд зохион байгуулна
1 долоо хоног    

БНСУ-ын виз мэдүүлэх төв ердийн цагийн хуваариар ажиллана
1 долоо хоног    

Бразил улс Риогийн хөшөөнөөс том Христийн хөшөө барьж байна
1 долоо хоног    

Э.ЭРДЭНЭЖАМЪЯН: Хоёр НАМЫН НЭГДЭЖ НИЙЛЭХ асуудлыг ЕРӨНХИЙЛӨГЧИЙН СОНГУУЛЬТАЙ холбомооргүй байна
1 долоо хоног    

МҮОХ: Эмэгтэй бөхчүүд зорилгоо 80 хувьтай биелүүлэв
1 долоо хоног    

"AЛИБАБА" компанийг 2.75 тэрбум ам.доллараар торгохоор болжээ
1 долоо хоног    

Ж.Энхбат: Хөл хорионы дэглэмийг сайтар баримтлуулахын тулд тэгш, сондгойгоор зорчуулахаар болсон
1 долоо хоног    

"Нийслэлийн иргэд хүсвэл орон нутагт газар үнэ төлбөргүй өмчилж авах эрхтэй"
1 долоо хоног    

Засгийн газар, “Рио Тинто”-гийн хэлэлцээ 11.00 цагт эхэллээ
1 долоо хоног    

Өнгөрсөн өдрүүдэд шинэ тохиолдол 704 бүртгэгдэж, гурван иргэн “нас нөгцлөө”
1 долоо хоног    

Монголчуудын 8 жил авах ногдол ашгаар “Голомт”-ын Баясгалан наадаж байна
1 долоо хоног    

Дубайн гэрээ цуцлагдсан тохиолдолд 4.3 тэрбум ам долларын зээлийг хүчингүй болгох ёстой
1 долоо хоног    

АНУ ДАХЬ АЗИЙН ЭСРЭГ ҮЗЭЛ
1 долоо хоног    

Б.Энх-Амгалан: ҮАБЗ-ийн ажилтнууд 20 сая доллар оруулж ирсэн асуудлаар ТЕГ-т хэрэг үүсгэсэн
1 долоо хоног    

Шинээр тохиолдол 831 бүртгэгдэж, хоёр иргэн нас нөгцөв
1 долоо хоног    

Даргынхаа аминд хүрсэн оргодол байлдагчдийг баривчлав
1 долоо хоног    

Ирэх гурван жилд Монгол улсын эдийн засаг 7 хувиар өсөх төлөвтэй байна
1 долоо хоног    

Оюу Толгойгоос Монголын хүртэх ашгийг Рио Тинто тооцолсон нь
1 долоо хоног    

ПАУШОК: Татвараас зувчуулсан тэр мөнгөөрөө Т.Ганболд / corporate/ зочид буудлуудыг барьсан
1 долоо хоног    

ТҮҮХ: Шиү-Шү-Жан зарим Монголчуудын урилгаар орж ирсэн
1 долоо хоног    

ХӨГЖИМ: Ш.Өлзийбаярын Морин хуурын 3 дугаар концерт
1 долоо хоног    



Нүүр хуудас | Фото мэдээ | Видео мэдээ | Сурталчилгаа байршуулах | Холбоо барих Утас: 89460-008, 7711-2424
© 2016 он. Зохиогчийн эрх хуулиар хамгаалагдсан. ARDCHILAL.MN.