Мэдээ
УЛААНБААТАР ºC
USD АНУ доллар 2,495.23
2020 оны 02-р сарын 29
Мэдээлэл хайх:
Зөвлөгөө | 7 хоногийн тойм | Олны танил | Шар | Танин мэдэхүй | Түүхэн хүмүүс | Кино урлаг | Дуу хөгжим | Номын ертөнц | Гадаад мэдээ | +18

С.Эрдэнэ. МАН харалган байна. Маш өргөн мэдээлэлтэй сонгогчид хөдөөд бий болчихсон шүү

НИЙТЛЭСЭН: 2020-02-11 10:42:18
Улс төр > Улстөрч | Сэтгэгдэл: 0

УИХ-ын гишүүн, АН-ын дарга С.Эрдэнэтэй ярилцлаа.

-Та Хамтын тэтгэврийн хуулийг дахин өргөн барилаа. Энэ талаар ярихгүй юу?

-Энэ хууль 2015 онд хэлэлцэгдээд 2016 онд УИХ-аар батлагдаж, 2017 оны нэгдүгээр сарын 1-нээс хэрэгжих заалттай байсан юм. Гэвч МАН олонх болж, энэ хуулийн үйлчлэлийг зогсоож, хүчингүй болгосон. Тэр үед энэ хуулийг яагаад хүчингүй болгож байгаа талаар инээдтэй, эмгэнэлтэй гэмээр үндэслэлүүдийг эрх баригч нам гаргаж ирж байлаа. Тухайн үеийн Ерөнхий сайд “Хоёр хөгшин бие бие рүүгээ муухай хараад, хэн нь түрүүлж үхэх вэ гэдэг байдал үүсч байгаа учраас энэ хуулийг хүчингүй болгож байна” гэж ярьж энэ хуулийг хүчингүй болгож байсан шүү дээ. МАН ахмадын төлөө батлагдсан хамгийн чухал хуулийг нь хамгийн эхнийхээ хуралдаанаар хүчингүй болгосон. Энэ шийдвэр олон мянган ахмадын амьдралын баталгааг үгүй хийж, амьдралын үнэ цэнийг устгасан харгис үйлдэл болсон. Насан туршдаа хамт амьдарсан хань ижлийнхээ хуримтлалаар бий болгож үлдээсэн өв хөрөнгөнөөс хүртэх эрхийг нь шууд хасч хаяна гэдэг бол маш харгис бодлого байсан.

-Энэ хуулийн үзэл баримтлал нь юу вэ?

-Нийгмийн даатгалын шимтгэл гэдэг татвар биш. Хэзээ нэгэн цагт хүн эрсдэлд орсон үедээ хэрэглэнэ гэж хуримтлал бие болгож байгаа хадгаламжийн мөнгө байхгүй юу. 60 насандаа тэтгэвэрт гараад 61-тэйдээ бурхан болж буй олон хүн бий шүү дээ. Хуримтлалаа эдэлж, хэрэглэж чадаагүй нас барж байгаа ахмадууд бий. Насан туршдаа хамт амьдарсан хоёр ахмад настан тус бүр 100, 100 мянган төгрөгийн тэтгэвэр аваад 200 мянган төгрөгөөр амьжиргаагаа залгуулаад явж байхад нэг нь бурхан болдог. Тэгэнгүүт орлого нь нэг дахин буурдаг. Тэгэхээр нэг хүний тэтгэврээр байр гэрлийнхээ мөнгийг төлөх үү, хоол ундаа залгуулах уу, эм тариагаа авах уу гээд тэр үлдсэн хүнд эдийн засгийн том хүндрэл үүсч байгаа юм. Эхэн үедээ яахав байгаа юмаа зарж, барьцаанд тавиад зээл авч янз бүрээр аргацаана. Сүүлдээ арга буюу амьжиргааны баталгаажих түвшингээс доогуур орлоготой өрхийн тоо руу шилждэг. Тэгээд бүр нэн ядуу иргэн болдог. Тэрнээсээ үүдээд сэтгэл санааны хувьд хямардаг. Ийм байдлуудыг маш олон жил ажиглаж, судалж байсан. Энэ асуудлыг хариуцдаг байх үед минь энэ талаар маш олон өргөдөл, гомдол, хүсэлт ирдэг байлаа. Ер нь гэр бүлийн хоёр ахмадын нэг нь бурхан болсон үед үлдсэн ахмад нь хань ижлийнхээ авч байсан тэтгэврийн тодорхой хувийг өөрийнхөө амьдрах хугацаанд авах нь  шударга. Ингэвэл амьдралын тодорхой эрсдэлд орохгүй байх баталгаа хангагдах юм байна гэж харсан. Тэгээд хамтын тэтгэврийн тухай хуулийг санаачилсан.  Тухайн нас барсан иргэний насан туршдаа бий болгосон хуримтлалын мөнгө нь нийгмийн даатгалын санд байж л байгаа шүү дээ. Тэр мөнгө нь нийгмийн даатгалын сангийн дундын өмчлөлд шилжээд өөр тэтгэвэр тэтгэмжийн онгорхой цоорхойг бөглөөд алга болдог.

-Хэдэн хувиар тооцож байгаа вэ?

-Бүрэн тэтгэврийн 20-оос доошгүй хувиар тооцож, үлдсэн ахмадад сар бүр олгож байхаар хуулийн төслийг санаачилсан. 20-оос доошгүй гэдэг нь дээшээ хэд ч байсан болно. Энэ хэмжээг Засгийн газар тэтгэврийн сангийн даац, төсвийн боломжийг харж байж тогтоохоор тусгасан.

-Та энэ хуулийг яагаад дахин өргөн барих болов?

-Маш олон иргэд надад хандаж, өргөдөл гомдол ирүүлсэн. Тиймээс зарим нэг өөрчлөлт оруулах шаардлагатай зүйлсээ өөрчлөөд, энэ хуулийг дахин өргөн барьсан. Эрх биш 400 гаруй мянган ахмадынхаа эрх ашиг, тэдний нийгмийн баталгааг бодож эрх баригчид энэ хуулийг баталж өгөх болов уу гэж найдаж энэ хуулийг дахин өргөн барьсан юмаа.  

-Нийгмийн даатгалд итгэх олон нийтийн итгэл суларчээ. Нийгмийн даатгал төлж байснаас хадгаламж нээж байршуулсан нь илүү дээр гэх мэт яриа явж байна. Ер нь нийгмийн даатгалд итгэх итгэлийг хэрхэн сэргээх ёстой вэ?

-Нэгэнт хуримтлал бий болгочихсон бол хуримтлалаас нь үр хүүхдүүд, гэр бүл нь хүртдэг байх шударга зарчмыг хэрэгжүүлээд явах ёстой, нэгдүгээрт. Хоёрдугаарт, өнөөдрийн нийгмийн даатгалын сангийн хөрөнгийг бие даасан байдалд шилжүүлэх ёстой. 2002 оны Н.Энхбаярын Засгийн газрын үед Сангийн сайд Ч.Улаан байсан. Энэ хоёр нийгмийн даатгалын тухай хуулийг зөрчөөд, нийгмийн даатгалын сангийн хөрөнгийг Сангийн яамны төрийн санд нэгтгэсэн. Тэрнээс хойш 20-оод жил нийгмийн даатгалын сангийн хөрөнгийг төсвийн цоорхой бөглөх, төсвийн бусад зориулалтаар ашиглах, ийм хууль зөрчсөн үйлдлүүд явж ирлээ шүү дээ. Гуравдугаарт, Нийгмийн даатгалын сангийн хөрөнгийг арвижуулах чиглэлээр төрөөс бодлого дэвшүүлж ажиллах ёстой юм. Дөрөвүгээрт, нийгмийн даатгалын сан дотроо таван сантай. Тэр дотор хамгийн чухал сан бол тэтгэврийн даатгалын сан байдаг. Энэ санд төр төлөх ёстой 10 гаруй их наяд төгрөгийн өр байгаа.

-Одоо шимтгэл төлж байгаа иргэдийн мөнгө хаашаа явдаг вэ?

-Өнөөдөр шимтгэл төлж байгаа иргэд Нэрийн дансны хууль гэдэг юмаар яваад байгаа. Өөрөөр хэлбэл бичилтээр. Яг бодит мөнгө байхгүй. Мөнгийг нь аль уже өнөөдөр тэтгэвэр авч байгаа иргэдэд өгчихсөн. Төрийг гүйцэтгэх үүргийг өнөөдөр шимтгэл төлж байгаа иргэдийн мөнгөөр төлөөд яваад байж болохгүй. Нийгмийн даатгалын тухай хуулиар 1995 оноос өмнө тэтгэвэр тогтоолгосон иргэдийн тэтгэврийг төр хариуцах үүрэгтэй. Гэтэл тэр 1995 оноос өмнө тэтгэвэрт гарсан иргэдийн тэтгэврийг тавихын тулд өнөөдөр шимтгэл төлж байгаа иргэдийн мөнгийг өчнөөн жил ашиглалаа. Одоо тэр шимтгэл төлж байгаа иргэдийн мөнгийг буцааж нийгмийн даатгалын санд байршуулах ёстой. Төр өнөөдөр энэ үүргээ биелүүлэх ёстой.

-Төр 10 гаруй их наяд төгрөгийн өрөө барагдуулах алхам хийж байна уу?

-2016-2020 оны дөрвөн жилийн төсөв баталлаа. Энэ төсвийг есөн их наядын алдагдалтай баталсан. Энэ нь өнөөдрийн нийгмийн даатгалын санд төлөх мөнгөтэй тэнцүү шахам алдагдал. Тэгвэл ингэж алдагдалтай төсөв баталж, болсон болоогүй баахан барилга байшин, хөрөнгө оруулалт хийж байхын оронд тэтгэврийн даатгалын санд мөнгийг нь буцааж байршуулж, иргэдээ ирээдүйдээ санаа зовох зүйлгүй байлгах ёстой. Уг нь 2021 онд тэтгэврийн даатгалын санг бүрэн хуримтлалын тогтолцоонд шилжүүлэх Их хурлын тогтоол гарсан шүү дээ. Бүрэн хуримтлал гэдэг нь шимтгэл төлсөн иргэний шимтгэлийг нэрийн дансанд нь бодит мөнгөн хэлбэрээр байршуулна гэсэн үг. Үүнийгээ төр хэрэгжүүлэх ёстой.

-Нийгмийн даатгалын тогтолцоондоо байна уу?

-Манайхтай ижил тогтолцоотой Тайвань, Вьетнам, Герман гээд маш олон улс орон байна. Эдгээр улсууд яг энэ тогтолцоог амжилттай хэрэгжүүлээд явж байна шүү дээ. Төр нь зөв бодлого явуулсан улсын нийгмийн даатгал нь зөв явж байна. Буруу бодлого явуулахаар манайх шиг дампуурлын эрмэг дээр явж байгаа.

-Та “Тэтгэврийн доод хэмжээг нэмэгдүүлэх тухай” хуулийн төсөл санаачилсан. Энэ талаар ярихгүй юу?

-Нийгмийн хамгааллын бодлого зорилтот бүлгийн иргэдэд хүртээмжгүй, амьдралын наад захын хэрэгцээг нь  хангахгүй байгаа. Тиймээс Монгол Улсын нийгмийн хамгааллын бодлого тухайн зорилтот бүлэгтээ үр өгөөжтэй, хүртээмжтэй байх, цаашилбал дэлхийн жишигт нийцүүлэн шинэчлэх асуудлыг үргэлжлүүлэн УИХ-аас батлан гаргах зайлшгүй шаардлагатай байгаа учраас энэхүү хуулийн төслийг санаачилсан. Бүрэн тэтгэвэр авагч өндөр настны  тэтгэвэр  500 мянгаас доош, хувь тэнцүүлсэн тэтгэвэр  авагчийн тэтгэвэр  420 мянгаас доош бол энэхүү хуулийн үйлчлэлд хамаарна. Хуулийн төсөл батлагдсанаар тэтгэвэр авагч иргэдийн амжиргаа, амьдралын чанар сайжирч, тэтгэврээ олон сар, жилээр барьцаалан зээл авах нөхцөл буурна.

-УИХ-ын сонгуулийн тойрог мандат дээр танай намын зөвлөл сөрөг байр суурьтай байгаа шүү дээ...

-Эрх барьж буй нам ямар хэлбэрээр сонгууль зохион байгуулах нь тэдний эрхийн асуудал мөн. Гэвч Монгол Улсын иргэдэд Үндсэн хуулиар олгогдсон суурь эрх болох сонгох сонгогдох эрхэд нь эрх баригчид увайгүй халдаж байна. Нэг үгээр Монгол Улсын иргэд тэнцвэртэй нөхцөл байдалд төрд төлөөллөө илгээх эрхтэй. Тэгш эрхийн зарчимд тулгуурлаад. Гэтэл 70 мянган сонгогчтой аймаг гурван мандаттай, 240 мянган иргэнтэй дүүрэг нь бас гурван мандаттай байдаг. Энэ шударга зарчим мөн үү. Хүн амын 50 хувь нь бараг нийслэлд амьдарч байна. Тэгэхэд угаасаа цөөхөн гэгдэх 28 мандатын дөрвийг нь сугалж аваад хөдөө орон нутаг руу шилжүүлээд 24-хөн мандаттай болгочихлоо. Нийслэлийн сая гаруй иргэдийн эрхийг цавчаад хаячиж байгаа байхгүй юу. Яахаараа Монгол Улсын иргэн хот хөдөөгөөр ялгаварлуулж байх ёстой юм. Хот, хөдөөнийх гэхгүй Монгол Улсын иргэн л бол иргэн. Сонголтоо хийх эрхтэй. Энэ бол арай дэндүү.

-Та өөрийн өнцгөөс хэрхэн харж байна вэ?

-Нийслэлчүүд илүү мэдээлэлд ойрхон байдаг. Сонголтыг илүү шударга хийдэг. Ямар нэг тархи угаалт, мөнгө, эд бараа материалд автах нь харьцангуй бага байдаг. Сонголтоо шударга хийдэг. Харин хөдөөгийн ард түмнийг эд нар басч байга байхгүй юу. Хуурч болно. Эд бараагаар саналыг нь худалдаж авч болно гэдэг харалган бодлоор асуудалд хандаад байх шиг байна. Тэгвэл та нарын бодож байгаа хөдөөгийн сонгогч нар биш болчихсон шүү. Сошиал орчин, мэдээллийн хэрэгслээр маш өргөн мэдээлэл авдаг сонгогч нар хөдөөд бий болчихсон. Үүнийг энэ сонгуулийн дүн харуулах байх.  

-Яг нэг жилийн өмнө та "Парламентийн танхимд яг одоо сууж байгаа 58 хүн та нар парламентийн дархлаагаа байхгүй болговол бүгд "гөлөг" болно. Бүгдээрээ хэн ч биш болно. Юун парламент, юун Б.Чойжилсүрэн, Д.Тогтохсүрэн, С.Бямбацогт... та нар хэн ч биш болно. Мэдэж байна уу. Та нар хэн ч биш болно. Миний энэ үг та нарын орой руу орно доо" гэж хэлж байсан. Таны энэ үгийг биеллээ олж эхэллээ гэж ярьж байна л даа...

-Монгол Улс парламентын засаглалтай. Гэтэл парламентынхаа бүрэн эрхийг Үндэсний аюулгүй байдлын зөвлөлийн гурван гишүүнд шилжүүлчихсэн. ҮАБЗ-ийн хоёр гишүүн нь парламентын гишүүн биш. Гэтэл ҮАБЗ бараг парламентын бүрэн эрхийг хэрэгжүүлээд байна шүү дээ. Төрийн дээд албан тушаалтны томилгоогоос өгсүүлээд, төрөөс гарч байгаа бодлогын ерөнхий чиг, хандлагыг тодорхойлж байна. Бид парламентын засаглалтай улс юм уу, ҮАБЗ-ийн засаглалтай улс болчихсон юм уу гэдгийг бодох ёстой. Тухайн үед би засаглалын хэлбэрийг ярьсан юм. Гэтэл мушгин гуйвуулаад М.Энхболд, 60 тэрбумыг хамгааллаа гэж янз бүрээр над руу дайрсан. Тэр үед би бухимдсандаа буруу хэлбэрээр хэлсэн байж магадгүй. Гэхдээ би тэр үед үнэнийг хэлсэн. Би тэр байр сууриндаа өнөөдрийг хүртэл хатуу зогссон хэвээр байгаа. Парламентын засаглалтай улс юм бол үүгээрээ л яв.   Парламентын засаглал гэдэг хуулийн засаглал шүү дээ. Хэн нэгэн ерөнхий сайд загнахаар тэр нь хууль юм шиг үйлчилж байдаг, харин цэвэр хууль нь хуулийнхаа дагуу үйлдчилдэггүй байж болохгүй. Өнөөдөр хууль шүүхийн байгууллагууд ажиллаж чаддахгүй байна. Бүр шүүхийн систем нь ажиллахаа больчихсон. Бүгд айдастай. Ер нь хуулийнхан тэр чигээрээ айдастай байна. Хэлмэгдүүлдэг үе рүү явах гээд байна. 65 суудалтай эрх баригчид парламентын засаглалын мөн чанарыг бүхэлд нь алдагдуулчихлаа. Олонх намаас гарахгүй юм алга. Ерөнхий сайд нь хэлчихсэн шүү дээ. Гараагүй гэмт хэрэг байна уу. Байхгүй шүү дээ. Хуулийн дагуу хариуцлага хүлээж байгаа нь мөн байхгүй. Шударга үнэний төлөөх сэлэм нь зэвэрчихсэн юм уу. Хуйндаа гацчихсан уу. Ийм байдлаар цаашаа хол явахгүй. Популизмаар цааш явахгүй. Популизм улс орныг сүйрүүлдэг. Би үүнийг л хэлсэн. Хэн нэгнийг хамгаалаагүй.


ЭХ СУРВАЛЖ: ӨДРИЙН СОНИН

Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
Мэдээ таалагдсан бол like & share хийнэ үү:


БУСАД

 
 
СЭТГЭГДЭЛ БИЧИХ

 

СЭТГЭГДЭЛ
ШИНЭ МЭДЭЭ
Даавуун маскаа ЗӨВ СОНГОЖ хэрэглээрэй!
1 өдөр    

Гуравдугаар сарын дунд үеэс дулаарна
1 өдөр    

Нийтийн тээвэр өдрийн цагаар үйлчилж байна
1 өдөр    

"SARS-COV-2 вирусийн аюулыг олон талын чармайлтаар зайлуулах боломжтой"
1 өдөр    

ОБЕГ: Сураггүй алга болсон иргэнийг эсэн мэнд олжээ
1 өдөр    

"Айж суух биш, хүн бүр хичээж амь насаа хамгаалах цаг ирээд байна"
1 өдөр    

ЗГ: Гуравдугаар сарын 15-аас нүүрсний тээврийг тусгай горимоор эхлүүлнэ
1 өдөр    

Өмнөд Солонгост халдвар авсан хүний тоо 2,000 давлаа
1 өдөр    

БНСУ-аас ОХУ-аар дамжин ирсэн гурван иргэнийг тусгаарлажээ
1 өдөр    

Ц.Элбэгдорж: ҮАБЗ хуулийнхаа дагуу ажиллахгүй байна
1 өдөр    

ЗГХЭГ-ЫН ДАРГА Л.ОЮУН-ЭРДЭНЭ ЕРӨНХИЙЛӨГЧ Х.БАТТУЛГЫГ ШҮҮХЭД ӨГӨХ ҮҮ?
2 өдөр    

Пеп хоёр өөр багаар "Реал"-ыг Аваргуудын лигт талбайд нь хожсон анхны дасгалжуулагч
2 өдөр    

Жин хассаны дараа жингээ барих шилдэг зөвлөгөө
2 өдөр    

YG ENT : Охидын шинэ хамтлаг гаргахаар бэлдэж байна
2 өдөр    

БНСУ-д коронавирусийн халдвар авсан хүний тоо 505-аар нэмэгдэж, 1766 боллоо
2 өдөр    

Коко кола хортой юу?
2 өдөр    

Тайландаар дамжин Хятадаас 3 хүн ирснийг тусгаарлав
2 өдөр    

Б.Мандухай: Хураагдсан хар тамхийг лацдаж, тусгай зориулалтын өрөөнд хадгалж байгаад шүүгчийн захирамжаар устгадаг
2 өдөр    

Хонг Конгийн захиргаа иргэддээ 1200 доллар тараана
2 өдөр    

Ерөнхийлөгч Х.Баттулга Ши Жиньпин, Ли Көцян нартай уулзаад буцаж ирнэ
2 өдөр    

Зохиолч Д.Нацагдорж, Д.Пагмадулам нарыг тагнуулын ажилд ашигласан уу
2 өдөр    

С.Бямбадэлгэр: Хэлний цөөнхдөө зориулж таван дохиог л сурч гэгээлэг бүхнийг түгээе
2 өдөр    

1072 хувьцааны ноогдол ашгаа хүртэхэд юуг анхаарах вэ
2 өдөр    

Солонгос, Япон, Итали улсаас ирж буй иргэдийг улсын хилээр нэвтэрсэн өдрөөс нь эхлэн 14 хоног тусгаарлана
2 өдөр    

"Лион" талбайдаа "Ювентус"-ыг хожлоо
2 өдөр    

Ерөнхийлөгчийн айлчлалын талаар ГХЯ-наас мэдээлэл өгнө
2 өдөр    

Л.Эрдэнэчулуун: Зах, худалдааны төв, хүнсний дэлгүүрүүд хэвийн ажиллана
2 өдөр    

Налайх дүүрэг рүү өглөө, оройдоо дөрвөн автобус үйлчилнэ
2 өдөр    

БНХАУ-аас ирсэн 3 иргэнийг ХӨСҮТ-д тусгаарлалаа
2 өдөр    

Нийслэлийн ИТХ-ын дарга Р.Дагва: Хүн бүр хувийн сахилга баттай байцгаая
2 өдөр    

Э.Эрдэнэбилэг: Хэн нэгэнд таалагдахын тулд өөрийгөө “алж” болохгүй
2 өдөр    

Бүх сүм, хийдэд нийтийн арга хэмжээ явуулахыг хориглолоо
3 өдөр    

У.Хүрэлсүх: Монголчуудынхаа эрүүл мэндийн төлөө хаана, хорино, шийтгэнэ
3 өдөр    

Зорчих хөдөлгөөнийг хаасан, нийтийн тээврийг зогсоосон шийдвэрийг 3-р сарын 3 хүртэл сунгав
3 өдөр    

Фитнесс, баар, амралтын газар, дэн буудлуудыг түр хаахаар шийдвэрлэлээ
3 өдөр    

Хязгаарлалыг 2020.03.02 хүртэл сунгах санал гаргалаа
3 өдөр    

Гуравдугаар сарын 3-ны 08:00 цаг хүртэл нийтийн тээврийн үйлчилгээг зогсоолоо
3 өдөр    

Ковид 19-ийн улмаас Италийн “Сериа А” лигийн тоглолтууд хойшлов
3 өдөр    

АНУ, Энэтхэг 3 тэрбум ам.долларын батлан хамгаалахын гэрээ байгуулна
3 өдөр    

Амралтын өдрүүдээр үр бүтээлтэй байх 10 ЗӨВЛӨМЖ
3 өдөр    

Дэлхий дээр 100 жил тутамд аймшигт өвчин тохиодог нь зүгээр нэг давхцал уу?
3 өдөр    

Орон нутгийг зорьсон иргэд 2020.03.03-ныг хүртэл Улаанбаатар хот руу нэвтрэхгүй
3 өдөр    

Д.ЧОЙЖАМЦ:700 ЖИЛИЙН ӨМНӨ НЭГЭН СУДАР ДЭЭР САРЬСАН БАГВААХАЙН ЗУРАГ ТАВИАД ИРЭЭДҮЙД ИХ ХИЖИГ ӨВЧИН ГАРНА ГЭСЭН БАЙДАГ
5 өдөр    

Монгол Улсын Ерөнхийлөгч Х.Баттулга Сар шинийн баярын мэндчилгээ дэвшүүллээ
5 өдөр    

ЗӨВЛӨМЖ: Халдваргүйжүүлэлт хэрхэн хийх вэ?
5 өдөр    

Монголын тахилгат хайрхануудын домог, түүх
5 өдөр    

ЭРЧҮҮД ЯАГААД КОРОНАВИРУСЭЭР ИЛҮҮТЭЙ ӨВДӨЖ БАЙНА ВЭ?
5 өдөр    

Сар шинийн баярын өдрүүдэд нийтийн тээврийн хөдөлгөөнийг хэсэгчлэн зогсооно
6 өдөр    

Битүүлэх ёсон
6 өдөр    

"Төмөр хулгана" жилийн шинийн нэгний өглөө зүг мөрөө хэрхэн гаргах вэ?
6 өдөр    



Нүүр хуудас | Фото мэдээ | Видео мэдээ | Сурталчилгаа байршуулах | Холбоо барих Утас: 89460-008, 7711-2424
© 2016 он. Зохиогчийн эрх хуулиар хамгаалагдсан. ARDCHILAL.MN.