Мэдээ
УЛААНБААТАР ºC
USD АНУ доллар 2,495.23
2019 оны 08-р сарын 19
Мэдээлэл хайх:
Зөвлөгөө | 7 хоногийн тойм | Олны танил | Шар | Танин мэдэхүй | Түүхэн хүмүүс | Кино урлаг | Дуу хөгжим | Номын ертөнц | Гадаад мэдээ | +18

МАХ МАГНАГ БОЛЖ ИРГЭД ТУЙЛДЖЭЭ

НИЙТЛЭСЭН: 2019-05-14 14:24:38
Нийгэм > Нийслэл | Сэтгэгдэл: 0

Өнгөрсөн намраас хойш махны үнэ тогтмол өссөөр нийслэлийн иргэд  хаврын тарчиг цагт нэг килограмм махыг 10 мянга хол давсан үнээр худалдаж авч байна. Энэхүү махны үнийн өсөлтийг урд хөрш рүү мах экспортод гаргаж, малчдаас малыг нь үнэтэй худалдаж авснаас нөөцийн махгүй болсон гэж тайлбарлах болжээ. Уг нь гадагшаа мах экспортолсноор малчдын орлого нэмэгдсэн. Гэтэл дотоодынхоо махны үнийг тогтвортой барих төр засгийн бодлого алдагдаж, нийслэлийн иргэдийн нуруунд хүнд ачааг үүрүүлжээ. Үүнээс үүдэн өнөөдөр манай нийгэмд хот, хөдөөгөөрөө талцах тохиолдол эрс нэмэгджээ.

Улаанбаатар хотын махны худалдааны төвүүд ихэнх нь “Хүчит шонхор” захаас махаа бөөндөн авч иргэдэд хүргэдэг. Тус зах дээр өнөөдрийн байдлаар үхрийн цул мах 9500-11000 төгрөгийн үнэтэй, хонины цул мах мах 8500-9000 мянган төгрөгийн бөөний үнэ ханштай байна. Харин зах, худалдааны төвүүдэд энэ үнэ  1500-2000 төгрөгөөр нэмэгдэж худалдаалагдаж байна.

Гэтэл томоохон сүлжээ дэлгүүрүүдээр махны бөөний үнэ дээр 3000-5000 төгрөг нэмэгдэж зарагдаад уджээ. Тухайлбал “Миний сүлжээ” дэлгүүрт үхрийн цул мах 16,200 төгрөг үхрийн ястай мах 13,000 төгрөг, хонины цул мах 10,440 төгрөгийн ханштай байна. Гэтэл зарим мах нь хөлдөөж хадгалсан хуучин мах хирнээ зах дээр зарагдах шинэхэн махнаас өндөр үнэтэй байсан юм. Биднийг сурвалжлах явцад дэлгүүрээс мах худалдаж авч байгаа хүн байсангүй. Худалдагчийн хэлж буйгаар өглөөний 11 цаг, оройны 5 цагаас хойш ажлын цаг дууссаны дараа арай эрэлттэй байдаг гэлээ.

ЦАЛИН ТЭТГЭВЭР БУУСНЫ ДАРАА ХУДАЛДАН АВАЛТ АРАЙ ДЭЭРДЭНЭ

Харин зах дээр худалдаалагдаж байгаа шинэхэн махны үнэ ханшийг харьцуулахаар өдөр 14 цагийн үед Баянзүрх захын махны лангуун дээр очсон юм. Тус захын махны лангуун дээр шинэхэн мах төрөл төрлөөрөө өрөөстэй. Гэвч худалдан авагч бараг байсангүй. Мах худалдаж авахаар ирсэн цөөн хэдэн хүн чанартай сайн мах хайхаасаа илүү хямд мах хайж, лангуу бүрээс үнийг нь асууж тойрч явсан юм. Үхэр, хонины махыг төрөл төрлөөр нь ангилж үнийг нь тавьсан байдаг лангуунууд махныхаа үнийг ч тавихгүй амандаа орсон үнээ хэлж зогсоно.

Баянзүрх зах дээр 2019 оны тавдугаар сарын 13-ны байдлаар үхрийн ястай мах 11-12 мянган төгрөгийн үнэтэй, цул хааны мах 13 мянга, гуяны мах 14 мянган төгрөгийн үнэтэй худалдаалагдаж байлаа. Харин хонины цул мах 12 мянга, ястай мах 10-11 мянган төгрөгийн үнэтэй. Ямаа, адууны мах зарж байгаа лангуу байсангүй. Мах үнэтэй болсноос хойш их хэмжээгээр махаа худалдаж авдаг хүн ховор болчихсон гэж худалдаа эрхлэгчид хэлж байсан юм.

Баянзүрх захын махны лангуу түрээслэгч н. Болороо. “Би мах зараад 18 жил болж байна. Энэ намар идэшний үе буюу мах хямдардаг үеэр  Хятадууд мах худалдаж аваад шууд үнэ нь өсчихсөн. Үүнээс хойш ахиж буурахгүй байсаар өнөөдрийг хүрлээ. Би өглөө үхрийн тарган махыг “Хүчит шонхор” захаас 10 мянган төгрөгөөр худалдаж аваад 12-13 мянган төгрөгөөр зарж байна. Бид өндөр үнэтэй бөөндөж аваад  хоногийн хоолоо залгуулах гэж яваа хүмүүст 13, 14 мянга гээд хэлээд зогсож байна гэдэг үнэхээр хэцүү. Энэ жил хүмүүсийн худалдан авалт маш их буурсан. Цалин тэтгэвэр буусны дараа худалдан авалт арай дээрдэнэ. Бусад үед иймэрхүү эл хуль л байна. Үд гэхэд зараад дуусчихдаг байсан махаа өдөртөө багтаагаад зарж чадахаа байсан. Ингээд зарж чадаагүй мах маань өнгө нь хувирна. Тэгээд л махныхаа үнийг буулгаад ямар ч ашиггүй шахуу ажиллаж байна” гэлээ.

МАХ ИДЭХГҮЙ БАЙЖ ЧАДАХГҮЙГЭЭС ХОЙШ ДАЙВАР БҮТЭЭГДЭХҮҮНЭЭР ХОНОГИЙН ХООЛОО ЗАЛГУУЛЖ БАЙНА

Харин мах худалдаж авахаар ирсэн иргэд “Өдөр ирэх бүрд үнэ нь нэмэгдчихсэн байх юм” хэмээн маш их бухимдаж байсан юм. Зарим нь махаа ихэвчлэн бөөнөөр нь худалдаад авчихдаг байсан бол энэ жил үнэхээр чадал хүрсэнгүй гэж халаглана. Бид хэчнээн үнэтэй байна гэж яриад үнэ нь буурахгүйгээс хойш яах билээ хэмээн яриа өгөхөөс татгалзах иргэд ч цөөнгүй байсан юм.  

Иргэн Ч.Нямжав: “Би урьд нь махаа авахдаа ахиухан авчихдаг байсан. Гэтэл одоо тэтгэврийн хэдэн төгрөг нь их авахад хаанаа ч хүрэлцэхгүй ганц хоёр килограммаар нь л зөөж байна. Нөөцийн мах уг нь худалдаанд гарсан гэсэн. Бидэн шиг хөгшин хүмүүс түүнд нь хүрч авч чадахгүй, дээр нь сайн шөл гардаггүй. Эм авах мөнгөөрөө эмээ ч авч чадахгүй мах авч байна шүү дээ”.

Иргэн Г.Оюунгэрэл: “Би уг нь өвөл 12 сард нэг үхрийн махыг килограммыг нь 5500 төгрөгөөр авсан. Одоо мах дуусчихсан. Тэгээд нөөцийн мах арай хямд гээд авах гэтэл олдохгүй байна. Манайх ам бүл хоёулаа нэг килограмм мах аваад хоёр хоногийн хоол хийдэг. Ер нь олигтой хоол идье гэвэл нэг килограмм махаар хийнэ шүү дээ. Гэтэл махгүй хонож байгаа хүн ч байна. Би өглөө “Хүчит шонхор” захаас 100 мянган төгрөгөөр 4-5 килограмм л мах авсан. Сонгуулийн өмнө жил л махны үнээр баахан шоу хийх байхдаа. Одоо ер нь тэгээд сонгууль өгөх хүн байгаа ч юм уу даа”.

Д.Байгальмаа: “Би сая хоёр килограмм гаруй хонины мах 23000 төгрөгөөр авлаа. Манай хүүхэд ногооны харшилтай. Тэгээд л химийн бордоотой хүнсний ногоо хэрэглэхгүй гээд мах гурилаа хэрэглэж байна. Ганц хээрийн өвс ногоо идэж байгаа гээд л махаа авах юм. Гэтэл ингээд үнэ нь хүчрэгдэхгүй. Өнөөдөр гэхэд таньдаг хүнээсээ зээлээр аваад дараа нь мөнгийг нь өгнө гээд бичүүлээд л зогсож байна.

Иргэн Г.Болорцогт: “Мах гэдэг тансаг хэрэглээ болчихсон гэтэл бид чинь мах идэхгүй байж чадахгүйгээс хойш дайвар бүтээгдэхүүнээр хоногийн хоолоо залгуулж байна. Мөнгөтэй чадалтай хүмүүс махаа аваад идчихнэ. Гэтэл бидэн шиг хүмүүс хоёр хоног идэх мах авч байснаас жижиглэнгийн гэдэс цувдай аваад олон хоног идсэн нь дээр шүү дээ. Гэдэс цувдай иднэ гэдэг нь эрүүл мэндэд  муу  биш л дээ гэхдээ хэдэн мянган малтай байж махандаа хүрч чадахгүй Монгол хүн байна гэдэг харамсалтай байна. Мах үнэд орсон гээд хоосон хонохгүй л дээ. Гэхдээ л иргэд саван, саалиа авдаг хэрэглээнийхээ мөнгөнөөс хасаад махаа авч байна.  

Мах магнаг болсон энэ үед дайвар бүтээгдэхүүний эрэлт ихэсжээ. Энэ жил дайвар бүтээгдэхүүн 1000-1500 төгрөгөөр нэмэгджээ. Дайвар бүтээгдэхүүн худалдаалагчдын хэлж буйгаар махны үнэ өссөн учраас дайвар бүтээгдэхүүний үнэ ч  нэмэгдсэн гэлээ. Баянзүрх зах дээр элэг 2000, зүрх 6500, үхрийн гүзээ 6000, адууны умс, кита 5000, хонины толгой 4000 төгрөгийн үнэтэй худалдаалагдаж байсан юм.

Ийнхүү өнөөдрийг хүртэл магнаг болсон махны талаар өнөө муу хэлүүлдэг ченжүүдээс өөр хэн ч ам нээгээгүй байв. Тодруулбал өчигдөр "Хүчит шонхор" захын  махны худалдаа эрхлэгчид хэвлэл мэдээллийн хэрэгсэлээр махны үнийн өсөлтийг хэн ч ойлгохоор тодорхой тайлбарласан.

Гэтэл өнөөдөр ХХААХҮ-ийн сайд Ч.Улаан тэс хөндлөн, салбарын сайдын амнаас гарахааргүй, бодит амьдралаас тасарсан тайлбар хийжээ. Сайд хэлэхдээ "Өнгөрсөн өдрүүдэд орон нутгаар цаг агаар хүндэрсэн нь махны нийлүүлэлтэд нөлөөлсөн. Мөн шатахууны үнийн өсөлт, гарал үүслийн баталгаажилт хангагдаагүй гэх мэт шалтгаануудаас үүдээд зах зээл рүү нийлүүлдэг махны хангамжийн байдал 30-50 хувиар тасалдсан нь махны нийлүүлэлтэд нөлөөлж, үнэ савлахад хүргэсэн" гэх тайлбарыг хийгээд сууж байна. 

Ардчилал.мн

Б.Бадралмаа

 

 

Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
Мэдээ таалагдсан бол like & share хийнэ үү:


БУСАД

 
 
СЭТГЭГДЭЛ БИЧИХ

 

СЭТГЭГДЭЛ
ШИНЭ МЭДЭЭ
ДАРГА НАРЫН ӨГСӨН ЛИЦЕНЗҮҮДИЙГ ЦЭРГҮҮДЭЭР ХУРААЛГАНА ГЭВ ҮҮ?
6 цаг    

"ХҮҮХДИЙН АВТОБУС НЬ 12-ООС ДООШ ЖИЛИЙН НАСЖИЛТТАЙ, ЗҮҮН ГАР ТАЛДАА ЖОЛООНЫ ХҮРДТЭЙ БАЙХ ЁСТОЙ"
6 цаг    

ГЭРЭЛТ ГУДАМЖИНД “HOBBY STREET” ЦУВРАЛ ӨДӨРЛӨГ ЗОХИОН БАЙГУУЛНА
6 цаг    

Ч.УЛААН: ШИРҮҮН БОРОО, МӨНДӨРИЙН УЛМААС 2500 ГА ТАЛБАЙГААС УРГАЦ ХУРААХ БОЛОМЖГҮЙ БОЛСОН
7 цаг    

ӨСВӨРИЙН АВРАГЧИД ИРГЭДИЙН ТАЛАРХЛЫГ ХҮЛЭЭВ
7 цаг    

МЭРГЭЖЛИЙН ХЭМЖЭЭНД ХЭРХЭН АЛБАН И-МЭЙЛ БИЧИХ ВЭ?
7 цаг    

Б.ХУРЦ НАРТ ХОЛБОГДОХ ХЭРГИЙГ НЭМЭЛТ МӨРДӨН БАЙЦААЛТАД БУЦААЛАА
8 цаг    

2,000 ЦААНЫ БАЯР БОЛЛОО
8 цаг    

СУРГУУЛЬ, ЦЭЦЭРЛЭГҮҮДЭД ХҮҮХЭД ХҮЛЭЭН АВАХ БЭЛТГЭЛЭЭ БҮРЭН ХАНГАХЫГ ҮҮРЭГ БОЛГОВ
8 цаг    

У.ХҮРЭЛСҮХ: МАХ ГУРИЛЫН ҮНЭ ТЭНГЭРТ ХАДВАЛ Ч.УЛААН САЙД ТОЛГОЙРОО ХАРИУЦНА ШҮҮ
8 цаг    

ЕСДҮГЭЭР САРЫН СҮҮЛЭЭР ЦАСАН ШУУРГА ШУУРЧ, ЦОЧИР ХҮЙТРЭХИЙГ АНХААРУУЛЖ БАЙНА
10 цаг    

ИЗРАИЛИЙН ЗЭВСЭГТ ХҮЧИН ХАМАС БҮЛЭГЛЭЛ РҮҮ ДОВТОЛЖЭЭ
10 цаг    

Э.БАТТУЛГА: БАЙГАЛЬ ОРЧНЫ АСУУДЛУУДЫН ШИЙДЛИЙГ ӨӨРӨӨС НЬ ОЛЖ БОЛДОГ
11 цаг    

Б.БАТ-ЭРДЭНЭ: МИНИЙ ШАВЬ ЭЛДЭВ ТӨРЛИЙН НЭМЭЛТ БҮТЭЭГДЭХҮҮН ШААРДАГДАХААРГҮЙ БАЙГАЛИАС ЗАЯАСАН БЯР ЧАДАЛТАЙ БӨХ
11 цаг    

ЭРДЭНЭТ ҮЙЛДВЭР ИМПОРТЫН БҮТЭЭГДЭХҮҮН ҮЙЛДВЭРЛЭЛЭЭР ЭДИЙН ЗАСГИЙН ХЭМНЭЛТ ГАРГАЖ БАЙНА
11 цаг    

ДОНАЛЬД ТРАМПЫН УУГАН ХҮҮ МОНГОЛД ХУВИЙН АЯЛЛЫН ЗОРИЛГООР ИРЖЭЭ
11 цаг    

ОЮУТНЫ БАЙРНЫ ТӨЛБӨР 430 МЯНГААС 1.5 САЯ ТӨГРӨГ БАЙНА
12 цаг    

УРАН ӨВӨӨГИЙН ҮРГЭЛЖЛЭЛ БУЮУ МОНГОЛ ПИКАССО
12 цаг    

ЕРӨНХИЙ САЙД ОНЦГОЙ КОМИССЫН ХУРАЛДААНД ОРОЛЦОЖ, ҮҮРЭГ ДААЛГАВАР ӨГНӨ
12 цаг    

ДОЛОО ХОНОГИЙН АРИЛЖААНЫ ТОЙМ МЭДЭЭ
12 цаг    

НАМЫН БҮЛЭГ, ЗӨВЛӨЛ, АЖЛЫН ХЭСГҮҮД ХУРАЛДАНА
13 цаг    

НӨАТ: 10 САЯЫН ХОЁР, 5 САЯЫН 23 АЗТАН ТОДОРЛОО
13 цаг    

АЛБА ХААГЧИД МЭРГЭЖЛИЙН УР ЧАДВАРАА ДЭЭШЛҮҮЛЭВ
13 цаг    

"МОНГОЛ САРЛАГИЙН МАХ, СҮҮ, ХӨӨВӨР ЭКСПОРТОД ГАРАХ БОЛОМЖ ИХТЭЙ"
13 цаг    

ЭРҮҮЛ МЭНДИЙН ГАЗРЫН 66 ХҮНИЙГ "ХОРДУУЛСАН" ЗООГИЙН ГАЗАРТ ЗӨРЧЛИЙН ХЭРЭГ НЭЭЖЭЭ
13 цаг    

Ч.БАЯНДЭЛГЭР: ХҮРЗ БАРЬСАН ТОНУУЛЧИД МОНГОЛЫН АРХЕОЛОГИЙГ СҮЙТГЭЖ БАЙНА
13 цаг    

МАН-ЫНХАН ТЭРЭЛЖИД ХУРАЛДЖЭЭ
13 цаг    

Б.АЛТАНЦЭЦЭГ: ИРЭХ ЗУРГААН САРД АМ.ДОЛЛАРЫН ХАНШ 2,700 ОРЧИМ ТӨГРӨГ БАЙНА ГЭСЭН ТААМАГ ИРГЭДИЙН ДУНД БИЙ
13 цаг    

ӨНӨӨДӨР БОЛОХ ҮЙЛ ЯВДЛЫН ТОЙМ
13 цаг    

ҮС ЗАСУУЛАБАЛ САЙН НӨХӨРТЭЙ УЧИРНА
13 цаг    

ЦАГ АГААРЫН МЭДЭЭ
13 цаг    

МАН-ЫН БҮЛЭГ, АН-ЫН ЗӨВЛӨЛ ХУРАЛДАНА
13 цаг    

10 САЯ ТӨГРӨГИЙН ХОЁР АЗТАН ТОДОРЧЭЭ
13 цаг    

Б.ХУРЦ НАРТ ХОЛБОГДОХ ШҮҮХ ХУРАЛ ЗУРГАА ДАХЬ ӨДРӨӨ ҮРГЭЛЖИЛНЭ
13 цаг    

ЭРТНИЙ ОЧИР АЛМААЗ ОЛЖЭЭ
1 өдөр    

ЦАХИМААР ХҮҮХДЭЭ БҮРТГҮҮЛЭХ БОЛОМЖГҮЙ ИРГЭД ХАМРАН СУРГАХ ТОЙРГИЙН ЦЭЦЭРЛЭГТ ӨӨРИЙН БИЕЭР ОЧИЖ БҮРТГҮҮЛЭЭРЭЙ
1 өдөр    

ХУУЛЬ БУСААР АЛТ ОЛБОРЛОСОН ГЭХ ХЯТАД ИРГЭДИЙГ ХОЛБОГДОХ БАЙГУУЛЛАГАД НЬ ШИЛЖҮҮЛЖЭЭ
1 өдөр    

ТҮРЭЭСИЙН БАЙРАНД БҮРТГҮҮЛСЭН ИРГЭДИЙН АНХААРАЛД
1 өдөр    

ПАРЛАМЕНТ ИРЭХ ДОЛОО ХОНОГТ ЯМАР АСУУДАЛ ХЭЛЭЛЦЭХ ВЭ
1 өдөр    

ОЮУТАН ЦЭРГҮҮД ТАНГАРАГ ӨРГӨЛӨӨ
1 өдөр    

ГОЛУУДЫН ҮЕРИЙН ТҮВШИН 5-35 СМ НЭМЭГДЖЭЭ
1 өдөр    

МАЛ ХУЛГАЙЛАХ ГЭМТ ХЭРЭГ 1008 БҮРТГЭГДСЭН НЬ НИЙТ ХЭРГИЙН 4.9 ХУВИЙГ ЭЗЭЛЖ БАЙНА
1 өдөр    

УЛААНБААТАРТ 9-21 ГРАДУС ДУЛААН БАЙНА
1 өдөр    

Э.ОЮУНБОЛД: БИ ДОПИНГ ХЭРЭГЛЭЭГҮЙ
2 өдөр    

ЦЭЦЭРЛЭГИЙН ЦАХИМ БҮРТГЭЛ ИРЭХ ПҮРЭВ ГАРИГТ ДУУСНА
2 өдөр    

ИРЭХ ДОЛОО ХОНОГТ ЦАХИЛГААНЫ ХЯЗГААРЛАЛТ ХИЙГДЭХ ГАЗРУУД
2 өдөр    

ЧИНГЭЛТЭЙ ДҮҮРЭГ ЗАДГАЙ ТЕАТРТАЙ БОЛЖЭЭ
2 өдөр    

ХУУЛЬ БУСААР АЛТ ОЛБОРЛОСОН ГЭХ ХЯТАД ИРГЭДИЙГ ХОЛБОГДОХ БАЙГУУЛЛАГАД НЬ ШИЛЖҮҮЛЖЭЭ
2 өдөр    

МАРГААШ НӨАТ-ЫН СУГАЛААНЫ 60 САЯЫН АЗТАНЫ ТОХИРОЛ ЯВАГДАНА
2 өдөр    

СУРАГЧИЙН ДҮРЭМТ ХУВЦАС, БИЧИГ ХЭРГИЙН ӨРГӨТГӨСӨН ХУДАЛДААГ 33 БАЙРШИЛД ЗОХИОН БАЙГУУЛЖ БАЙНА
2 өдөр    


Нүүр хуудас | Фото мэдээ | Видео мэдээ | Сурталчилгаа байршуулах | Холбоо барих Утас: 89460-008, 7711-2424
© 2016 он. Зохиогчийн эрх хуулиар хамгаалагдсан. ARDCHILAL.MN.