Мэдээ
УЛААНБААТАР ºC
USD АНУ доллар 2,495.23
2020 оны 02-р сарын 29
Мэдээлэл хайх:
Зөвлөгөө | 7 хоногийн тойм | Олны танил | Шар | Танин мэдэхүй | Түүхэн хүмүүс | Кино урлаг | Дуу хөгжим | Номын ертөнц | Гадаад мэдээ | +18

АМЬДРАХУЙГААС ХАДАХ ДУУН

НИЙТЛЭСЭН: 2018-10-17 13:29:48
Бусад > Номын ертөнц | Сэтгэгдэл: 0

Дорно дахинд урлаг соёл, уран зохиолын нэгэн том хүрээг бий болгосон орнуудын тоонд Хятад улс зүй ёсоор багтана. Эртний Хятадын гүн ухаан, үгийн урлагт олон суутан, эрдэмтэн, зохиолчид төрсөн бөгөөд өдгөө хүртэл энэхүү буухиа үргэлжилсээр байна. Хятадын уран зохиол хэчнээн бэрх, донсолгоонт замыг туулж ирсэн нь соёлын их хувьсгалын үед туурвиж асан Жао Лу Ши, Ай Чин, Ван Мэн, Цин Жао Ян зэрэг бичгийн мэргэдийн үйл хэрэг, эмгэнэлт хувь заяанаас мэдрэгддэг. Тэдний ихэнхийг хэлмэгдүүлэн хороож, сэхээтний давхрагаа үгүй хийсэн нь уран зохиолын хөгжлийн шугамыг алдагдуулж, энхэл донхол замаар сажилуулахад хүргэсэн юм.

Харин Жоу Шүрэнь |уран зохиолын нэр нь Лү Сюнь| хятадын орчин үеийн уран зохиолыг үндэслэж, оюун санааны соён гэгээрэлд ард түмнээ хөтөлсөн нэгэн. Мөн Цао Сюэнциний “Улаан асрын зүүд” мэндэлсэн нь сэтгэл зүйн реализмын шилдэг бүтээлд одоог хүртэл тооцогдсоор байдаг. Харин өдгөө Монголд хамгийн ихээр орчуулагдсан Хятадын Нобелийн шагналт Мо Ян зарим бүтээлдээ уран зохиолын тэр л харгислалын үр нөлөө, улс төрийн чанга бодлогын эсрэг байр сууриа тусган үзүүлсэн нь бий.

Энэ бүхнийг дурдсан учир нь саяхан Монголд анх удаа орчуулагдан гарсан Үй Хуа зохиолчийн “Амьдрахуй” туужтай холбоотой юм. Уг туужийн дунд хэсэгт ч улс төрийн бодлогын эсрэг чиглэгдсэн санааг товчхон хийгээд чадамгай дүрслэн үзүүлсэн бөгөөд дайны үе, энх тайван улсын ахуй амьдрал, шинэ ардчилсан хувьсгал, соёлын хувьсгал зэрэг нь нутгийн иргэдийн аж төрөхүйд хэрхэн нөлөөлж байсныг элдэв чимэггүйгээр үгийн урлагт дархалжээ. Уг бүтээлийг яруу найрагч, орчуулагч Мө.Батбаяр хөрвүүлж “Тагтаа” паблишинг хэвлэлийн газраас эрхлэн гаргасан байна.

КОММУНИЗМААС АНГИД ИРЭЭДҮЙН ТУХАЙ

Дундад улс бол тариачин ард түмэн. Ихэнх хятадын уран зохиолд тариачдын дүр элбэг гардаг. Бидний шинэхэн танилцаж буй Үй Хуагийн тус романд ч тариачин эр, тариачдын тосгоны тухай өгүүлнэ. Нийгмийн аль ч хувьсгал тариаланчдын амьдралын хэв маягийг орвонгоор нь өөрчилж чадаагүйн тухай ч яриахаа зохиолч маань бас мартсангүй.

Орчин цагийн хятадын нэрт зохиолчдын нэг Үй Хуа 1960 онд Ханжөү хотод эмчийн гэр бүлд төржээ. Дунд сургуулиа дүүргэсний хойно муждаа таван жил шүдний эмчээр ажиллаж байгаад Бээжин хотын Лү Шюнь утга зохиолын сургуульд элссэн байна. Харин уран бүтээлийнхээ гарааг 1983 оноос эхэлсэн бөгөөд монгол уншигчдын гарт өдгөө хүрээд буй “Амьдрахуй” туужаа 1992 онд хэвлүүлжээ. Тухайн үед хятадын коммунист намын үзэл суртлыг буруугаар сурталчилсан хэмээн тус тууж хориотой байсан ч дарамт шахалтыг даван гарав. Харин тууж “To Live” нэртэйгээр өрнөдийн улс орон руу орчуулагдсан цагаас эхлэн судлаачид коммунизмын үр нөлөөний талаар тус туужтай холбогдуулан нэлээдгүй шүүмж, эргэцүүлэл бичсэн байна.

Туужид өгүүлснээр баян Лүн Эрийн газрыг түрээслэгчидэд нь хувааж өгснөөс болж тэрээр коммунист намын үзлийг эсэргүүцэж, эцэстээ буудуулдаг. Гагцхүү Фу Гүй өрөнд орж газраа алдахгүй аж төрж болох байсан ч түүнийг ямар хувь тавилан отож байсныг Лүн Эрийн үйл явдал харуулна. Мөнхүү Фэн Шиа боловсрол, мэдлэггүй нийгмийн золиос болж үлдсэн дүр. Хэрэв тосгонд юм уу, хотод өндөр мэдлэг боловсролтой эмч, сувилагчид ажилладаг байсан бол Фэн Шиа халуурснаас болж хэлгүй, дүлий болохгүйгээр үл барам төрөхийн хүндрэлээр нас нөгчиж, дүү Ёу Чин ч мөн адил хэт их цус өгснөөс болж эмнэлэгийн мухар өрөөнд амьсгал хураахгүй байсан билээ. Тиймээс л Хятадад өрнөсөн коммунизм бол боловсрол олсон нэгнийг буруутган цаазалж, сэхээлэг давхрагыг үгүй хийж байснийг туужийн явцад бид уншиж, үнэнтэй нүүр тулна. Түүнээс уйлсан эрчүүдээр дүүрэн, зовж зүдэрсэн хөөрхий тариачны эмгэнэлт амьдрал, сэтгэлийн тэвчээртэй байдал төдийхнөөр зохиолыг дүгнэж болохгүй санагдана.

Дэлхийн түүхэнд хамгийн хүчтэйгээр нөлөөлсөн философичдын нэг Марксын тус онол нь хамтач үзэл дээр суурилагдсан бөгөөд коммунизм нь төгс энэрэнгүй нийгэм байх болно гэж үздэг. Энэ нь нийгмийн харгислал, дарлал мөлжлөггүй шудрага нийгмийн тухай үзэл. Өнөөдөр манай улсын иргэдэд “Ерөнхийлөгчийн засаглалтай болох хэрэгтэй” гэсэн үзэл хандлага нэлээдгүй тогтоод буй бололтой. Тухайн түүхэн цаг үед Марксын дээрх философи хүчтэй нөлөө үзүүлээгүй бол бид ч мөн хоёр том гүрний дундаас өндийж ардчилсан хувьсгалтай золгох нь бэрх байсан гэдгийг сануулчихъя. Өлбөрч үхэхийн даваан дээр байхад Фу Гүйн гэр бүл тосгоны захирагчид атга будаа өгсний дараагаар болон жаахан төмөр хайлуулсны учир дарга тэдэнд сайнаар хандаж томоотой, сайхан сэтгэлтэй хүргэн хүртэл олж өгдөг. Эцэст нь дарга баригдаж явахад хэн ч ам нээж зүрхэлдэггүй. Тариачдын дунд өөрөө цуг хөдөлмөрлөж, ажилладаг дарга нар байсан нь нөгөө талаар басхүү коммунизмын онолынх гол жишээ гэдгийг тэрхүү үйлдлүүдээр цухас дурдсан нь ч бий. Гэлээ ч Үй Хуагийн бичсэн туужид өгүүлснээр “энэрэнгүй нийгэм” улс төрийн аль ч давалгааны үед бүрэлдэж чадаагүй юм. Ерөөс туужийн гол дүр болох Фу Гүй өвгөн өөрийн гэх бүх л хувийн үнэт зүйлсээ алдсан ч эцэст нь газар хагалж амьдрасаар яваа нь коммунизмаас л ангид байх ирээдүйн тунхаг, дүр төрх билээ.

ШИНЭ ФИЛОСОФИ

Тус туужаар найруулагч Жан Имоу 1994 онд ижил нэрт кино хийж байв

Энгийн болоод жаргалтай амьдрал зовлон зүдгүүрээр дүүрэн байх ёстой. Туужийг уншиж дууссаны эцэст надад ийм бодол төрөв. Аж төрөхүй хялбархан байгаа нь чи аз жаргалтай оршиж байна гэсэн утга огт биш гэсэн санаа “Амьдрахуй” туужийн өгүүлбэр бүрт агуулагддаг.

“Хүүгээ булшны нүхэнд хэвтүүлэхэд арван гуравтай гэмээргүй, дөнгөж саяхан эхээсээ мэндэлсэн юм шиг даанч балчир харагдав. Гараараа шороо хамж булахаасаа өмнө доороос нь холгож болохуйц чулуу бүхнийг түүж хаялаа”. |“Амьдрахуй” 134-р тал, орч. Мө.Батбаяр|

Хүү нь нэгэнт үхсэн ч Фу Гүй түүний доороос холгож болохуйц чулуу бүхнийг түүв. Учир нь Фу Гүй нэгэн цагт эцгээс өвлөгдсөн сайхан байшинтай, зуу илүү мү1 газартай, өөрт нь үйлчилдэг зарц нартай байлаа. Харин тэрээр мөрийтэй тоглоом тоглож хөрөнгөө алдсаны дараагаар уналтанд орж хүнд бэрх амьдралыг туулах болдог. Тэрхүү хүнд бэрх цаг мөчүүд Фу Гүйд гэр бүлээ хайрлах хичээл зааж сургана. Нэг ёсондоо амьдрал хэцүү бэрх ч гэлээ энгийнээр өрнөж, түүний хайран дунд гэр бүл нь найдвартай хамгаалагдсан гэсэн үг. Эмч нарын болгоомжгүй үйлдлээс болж амиа алдсан хүүгийнхээ нойрсох газрын хатуу чулуу бүхнийг түүснээр тэр бусдыг хайрлах, амьдрахуйн ухаанд гүн гүнзгий суралцсаар байв.

Энэ нь хамгийн сүүлд өөрийн ганц ач болох Кү Гэнийг алдасны хойно тохиох үйлдлээр нь илэрдэг. Францын нэрт философич Ж.П.Сартр “Хөлийн чимээнээр ятуу дэрхийн нисэх шиг бидний үйлдлээс үнэт чанар үүсдэг” гэж өгүүлсэн байдаг даа. Бүхий л зүйлээсээ хагацаж, уй гаслангийн далайд живсэн ч Фу Гүй амиа хорлох тухай бодохгүйгээр үл барам хөөрхөн Кү Гэнийхээ мөрөөдлийг биелүүлж үхэр авахаар алхаж явдаг. Ийн явах замд эзэн нь төхөөрөх гэж буй хөгшин үхэр худалдаж аваад ирнэ. Тосгоныхон аанай л шоолох ч гэлээ үнэхээр Фү Гүйд хөгшин үхрийн нас л үлджээ. Өөртэй нь ижилхэн орших магадлалтай зүйлийн төлөө өрөвчхөн сэтгэл зориулсан учраас л тэр өнөөдөр баясгалантай нь аргагүй дуулсаар газар хагалж амьдрах эрхийг өөртөө бэлэглэж буй юм.

Үхэр зарсан хүн нэгээхэн агшинд цочирдсон ч гэлээ мөнгөө тоололгүйгээр өвгөнд итгэж явуулчихаад “азтай байна шүү” хэмээн баясах, тосгоныхон гурван жилийн настай хөгшин үхэр авлаа гэж шоолсон ч дараа нь “та хоёр дэндүү адилхан” хэмээн ярилцах зэрэг хүний за араншин, үйл хөдлөлийг туужийн явцад, нэгээхэн агшны чөлөөнд хооронд нь чадамгай холбож өгсөн байдаг нь Үй Хуаг алдаршуулсан өөрийн гэсэн тод аястай бичлэгийнх нь хэлбэр биз ээ.

ЭХЛЭЛЭЭС ДАХИН ТӨГСГӨЛ ХҮРТЭЛ

Хөдөө тосгодоор явж аман яриа цуглуулах болсон нэгэн залуу арван жилийн өмнөх Фү Гүй хэмээх өвгөнтэй таарч туулсан амьдралынх нь талаар яриулснаа өгүүлж буй тухай зохиомжтойгоор туужийн үйл явдал өрнөнө. Өнөөх өвгөний туулсан бэрх хэрнээ энгийн борог амьдрал, ганцаардлын дуу нь гэр бүлийнх нь тухай дурсамжийг дотроо агуулсан байдаг.

“Өнөөдөр Ёу Чин, Ван Ши хоёр газар хагалж байгаа. Жиа Жэн, Фэн Ши хоёр ч бас долоо найман талбай хагалж буй. Кү Гэн нас бага болохоор хагас талбайг хагална. Харин чи хэчнээнийг хагалахыг би хэлэхгүй. Хэллээ гэхэд лавтай чиний тооцоолсноос дутаах магад. Яриангүй чи минь өтөлжээ”. |“Амьдрахуй” 201-р тал, орч. Мө.Батбаяр|

Хүнд хэрэгцээтэй материаллаг эд зүйлс болон үхэр, хонь зэрэг амьтад ч мөн гэр бүлийн харилцааны хувьд анхаарал сарниулах л зүйлс. Тэд хүний оршихуйд хамгийн үнэ цэнэтэй нь биш бөгөөд гагцхүү гэр бүлийн гишүүд үгүй болсон хойно л хайрлагддаг. Дээрх жишээ татсан нэрс бол Фү Гүй өвгөний эхнэр, хүргэн болоод хайртай хүү, охин, ач нар нь юм. Гагцхүү тэр үхэртээ ярьж өгч буй хэдий ч өөртэйгөө л хөөрөлдөж байна. “Яриангүй чи минь өтөлжээ” хэмээн өөрийнхөө тухай л өгүүлжээ.

Ийнхүү залуу, идэр, өтөл насны тухай Фу Гүй хэрхэн дуулсаар цааш одохыг, нэр нь үл мэдэгдэх туужийг өгүүлэгч баатар маань харсаар хоцрохыг зохиолын төгсгөлд бид уншдаг. Тэр дуу нь энэ.

“Залуу насандаа захгүй тэнүүчилнэм
Идэр насандаа эрдэнэ олном
Өтөл насандаа хуврага болном...”

Хүний амьдралыг гурван мөрөнд багтаагаад өгүүлчихсэн нь шуудхан мэдрэгдэх учир задалж, дүгнэх шаардлагагүй байх. Харин “өтөл насандаа хувраг болном” гэсэн нь номын дуу сонсч, бурхны эрдэмд шамдах тухай өгүүлээгүй болов уу. Өтөл насаа элээдэг хүн гэж байхгүй. Бүгд залуу, идэр насаа элээж дууссаны хойно өтөлж хөгширөөд эцэстээ бурхны хутагийг олж мөнх бусыг үзүүлдэг.

“Хоромхон зуур гэгээ тасарч, харанхуй шөнө тэнгэрээс бууж ирдгийг би мэднэ. Дэлгэр эх газар ханхар цээжээ өргөж харанхуйг урин дуудах нь даамай үзэсгэлэнтэй. Эгээ л бүсгүй хүн үрээ дуудах шиг эх газар нь түнэр харанхуйгаа элгэмсэж буй нь тэр билээ”. |“Амьдрахуй” 201-р тал, орч. Мө.Батбаяр|

Төгсгөлийн эл өгүүлбэр өвгөний үхлийг зурсан шиг л санагдана. Өвгөний зовлон зүдгүүрээр дүүрэн амьдрал харанхуйтай л төстэй. Харин түүнийг элгэмсэж тосох нь газар шороо л бөгөөд ямарч оршихуй өвгөнийг хамгаалж чадахаас нэгэнт өнгөрсөн тухай өгүүлсэн байна.

ЖИНХЭНЭ ТӨГСГӨЛ

Хятадын орчин үеийн уран зохиолын төлөөлөл Үй Хуа

Жан Шиан Лиангийн “Half of Man Woman” зохиолд ч мөн “Амьдрахуй” туужид төстэй зарим өгүүлэмжүүд байдаг. Ер нь 1990-ээд он гарснаар Маогийн дэглэм тариаланчдын амьдралд ямар нөлөө үзүүлж байсныг тус үеийн зохиолчид гаргуун үзүүлсэн нь бий.

Гэр бүлийнх нь хайртай гишүүдийн нэг нь ч Фү Гүйгийн дэргэд үлдсэнгүй. Залуу насандаа мөрийтэй тоглож, эмсийн хүрээлэнгээр өдөр шөнөгүй тэнэж явсан түүнд хувь заяа нь юу ноогдуулж орхив оо? Зохиолыг эцэст нь хүртэл тулгахын тулд Үй Хуа маш ухаалгаар бүтээлдээ хандсан нь тодорхой. Учир нь өвгөний хоёр хүүхэд бусдын амийг аврахын төлөө өөрсдийгөө золиосолж байна. Хүү нь сургуулийнхаа захиралын амийг аварч улмаар таалал төгсдөг бол охин нь хүүхдээ төрүүлчихээд мөнх бусыг үзүүлдэг. Туужийн явцад өгүүлэгдэх үйл явдал болгон нь эхлэл төгсгөлтэйгөө чадамгай холбогдож өгсөн ийм л зохиолууд уншигчдад анзаарагдамгүй олон асуулт үлдээдэг билээ.

Эцэст нь Фү Гүй өвгөний дүрийг Америкийн жүжгийн зохиолч Артур Миллэрийн хэлсэн үгээр тодотгоод орхиё. “Магадгүй бид бүгд буруу үйлдэл бүхэндээ аль болох зөв харамсахыг л хичээх ёстой байх”.

Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
Мэдээ таалагдсан бол like & share хийнэ үү:


БУСАД

 
 
СЭТГЭГДЭЛ БИЧИХ

 

СЭТГЭГДЭЛ
ШИНЭ МЭДЭЭ
Даавуун маскаа ЗӨВ СОНГОЖ хэрэглээрэй!
18 цаг    

Гуравдугаар сарын дунд үеэс дулаарна
18 цаг    

Нийтийн тээвэр өдрийн цагаар үйлчилж байна
18 цаг    

"SARS-COV-2 вирусийн аюулыг олон талын чармайлтаар зайлуулах боломжтой"
19 цаг    

ОБЕГ: Сураггүй алга болсон иргэнийг эсэн мэнд олжээ
19 цаг    

"Айж суух биш, хүн бүр хичээж амь насаа хамгаалах цаг ирээд байна"
19 цаг    

ЗГ: Гуравдугаар сарын 15-аас нүүрсний тээврийг тусгай горимоор эхлүүлнэ
19 цаг    

Өмнөд Солонгост халдвар авсан хүний тоо 2,000 давлаа
19 цаг    

БНСУ-аас ОХУ-аар дамжин ирсэн гурван иргэнийг тусгаарлажээ
19 цаг    

Ц.Элбэгдорж: ҮАБЗ хуулийнхаа дагуу ажиллахгүй байна
19 цаг    

ЗГХЭГ-ЫН ДАРГА Л.ОЮУН-ЭРДЭНЭ ЕРӨНХИЙЛӨГЧ Х.БАТТУЛГЫГ ШҮҮХЭД ӨГӨХ ҮҮ?
1 өдөр    

Пеп хоёр өөр багаар "Реал"-ыг Аваргуудын лигт талбайд нь хожсон анхны дасгалжуулагч
1 өдөр    

Жин хассаны дараа жингээ барих шилдэг зөвлөгөө
1 өдөр    

YG ENT : Охидын шинэ хамтлаг гаргахаар бэлдэж байна
1 өдөр    

БНСУ-д коронавирусийн халдвар авсан хүний тоо 505-аар нэмэгдэж, 1766 боллоо
1 өдөр    

Коко кола хортой юу?
1 өдөр    

Тайландаар дамжин Хятадаас 3 хүн ирснийг тусгаарлав
1 өдөр    

Б.Мандухай: Хураагдсан хар тамхийг лацдаж, тусгай зориулалтын өрөөнд хадгалж байгаад шүүгчийн захирамжаар устгадаг
1 өдөр    

Хонг Конгийн захиргаа иргэддээ 1200 доллар тараана
1 өдөр    

Ерөнхийлөгч Х.Баттулга Ши Жиньпин, Ли Көцян нартай уулзаад буцаж ирнэ
1 өдөр    

Зохиолч Д.Нацагдорж, Д.Пагмадулам нарыг тагнуулын ажилд ашигласан уу
1 өдөр    

С.Бямбадэлгэр: Хэлний цөөнхдөө зориулж таван дохиог л сурч гэгээлэг бүхнийг түгээе
1 өдөр    

1072 хувьцааны ноогдол ашгаа хүртэхэд юуг анхаарах вэ
1 өдөр    

Солонгос, Япон, Итали улсаас ирж буй иргэдийг улсын хилээр нэвтэрсэн өдрөөс нь эхлэн 14 хоног тусгаарлана
1 өдөр    

"Лион" талбайдаа "Ювентус"-ыг хожлоо
1 өдөр    

Ерөнхийлөгчийн айлчлалын талаар ГХЯ-наас мэдээлэл өгнө
1 өдөр    

Л.Эрдэнэчулуун: Зах, худалдааны төв, хүнсний дэлгүүрүүд хэвийн ажиллана
1 өдөр    

Налайх дүүрэг рүү өглөө, оройдоо дөрвөн автобус үйлчилнэ
1 өдөр    

БНХАУ-аас ирсэн 3 иргэнийг ХӨСҮТ-д тусгаарлалаа
1 өдөр    

Нийслэлийн ИТХ-ын дарга Р.Дагва: Хүн бүр хувийн сахилга баттай байцгаая
1 өдөр    

Э.Эрдэнэбилэг: Хэн нэгэнд таалагдахын тулд өөрийгөө “алж” болохгүй
1 өдөр    

Бүх сүм, хийдэд нийтийн арга хэмжээ явуулахыг хориглолоо
2 өдөр    

У.Хүрэлсүх: Монголчуудынхаа эрүүл мэндийн төлөө хаана, хорино, шийтгэнэ
2 өдөр    

Зорчих хөдөлгөөнийг хаасан, нийтийн тээврийг зогсоосон шийдвэрийг 3-р сарын 3 хүртэл сунгав
2 өдөр    

Фитнесс, баар, амралтын газар, дэн буудлуудыг түр хаахаар шийдвэрлэлээ
2 өдөр    

Хязгаарлалыг 2020.03.02 хүртэл сунгах санал гаргалаа
2 өдөр    

Гуравдугаар сарын 3-ны 08:00 цаг хүртэл нийтийн тээврийн үйлчилгээг зогсоолоо
2 өдөр    

Ковид 19-ийн улмаас Италийн “Сериа А” лигийн тоглолтууд хойшлов
2 өдөр    

АНУ, Энэтхэг 3 тэрбум ам.долларын батлан хамгаалахын гэрээ байгуулна
2 өдөр    

Амралтын өдрүүдээр үр бүтээлтэй байх 10 ЗӨВЛӨМЖ
2 өдөр    

Дэлхий дээр 100 жил тутамд аймшигт өвчин тохиодог нь зүгээр нэг давхцал уу?
2 өдөр    

Орон нутгийг зорьсон иргэд 2020.03.03-ныг хүртэл Улаанбаатар хот руу нэвтрэхгүй
2 өдөр    

Д.ЧОЙЖАМЦ:700 ЖИЛИЙН ӨМНӨ НЭГЭН СУДАР ДЭЭР САРЬСАН БАГВААХАЙН ЗУРАГ ТАВИАД ИРЭЭДҮЙД ИХ ХИЖИГ ӨВЧИН ГАРНА ГЭСЭН БАЙДАГ
4 өдөр    

Монгол Улсын Ерөнхийлөгч Х.Баттулга Сар шинийн баярын мэндчилгээ дэвшүүллээ
4 өдөр    

ЗӨВЛӨМЖ: Халдваргүйжүүлэлт хэрхэн хийх вэ?
4 өдөр    

Монголын тахилгат хайрхануудын домог, түүх
4 өдөр    

ЭРЧҮҮД ЯАГААД КОРОНАВИРУСЭЭР ИЛҮҮТЭЙ ӨВДӨЖ БАЙНА ВЭ?
4 өдөр    

Сар шинийн баярын өдрүүдэд нийтийн тээврийн хөдөлгөөнийг хэсэгчлэн зогсооно
5 өдөр    

Битүүлэх ёсон
5 өдөр    

"Төмөр хулгана" жилийн шинийн нэгний өглөө зүг мөрөө хэрхэн гаргах вэ?
5 өдөр    



Нүүр хуудас | Фото мэдээ | Видео мэдээ | Сурталчилгаа байршуулах | Холбоо барих Утас: 89460-008, 7711-2424
© 2016 он. Зохиогчийн эрх хуулиар хамгаалагдсан. ARDCHILAL.MN.