Мэдээ
УЛААНБААТАР ºC
USD АНУ доллар 2,495.23
2018 оны 04-р сарын 27
Мэдээлэл хайх:
Зөвлөгөө | 7 хоногийн тойм | Олны танил | Шар | Танин мэдэхүй | Түүхэн хүмүүс | Кино урлаг | Дуу хөгжим | Номын ертөнц | Гадаад мэдээ | +18

Монгол туургатны баатрууд Ховд хотыг чөлөөлсөн нь

НИЙТЛЭСЭН: 2017-11-10 17:50:36
Бусад > Түүхэн хүмүүс | Сэтгэгдэл: 0

Ховдыг чөлөөлөхөд голлон оролцогч нар. Зүүн гараас: Дөрвөд Далай хан Түмэндэлгэржав, Наваанцэрэн бэйл, Жалханз хутагт Дамдинбазар, Догшин ноён хутагт Дамбийжанцан, Улаангомын Зоригт хан Содномжамц. 1912 оны 8 сар. Ховд хот

Уулнаас шөнө дунд өгсөн галын дохиогоор, урьд болзон тоггсон ёсоор баруун талын Рашаант хэмээх өндөр ууланд олон бамбар гэнэт дүрэлзэн асахад, зүүн өмнө талаас хариу болгон олон бамбарууд яралзан бадарч, хотруу дөрвөн зүгээс нь нэгэн зэрэг дайрснаар хоёр хоног цус асгаруулсан ширүүн тулалдав.

 

Ховдыг чөлөөлөх байлдаан нь XVII зуунд монголчуудын Манжийн эсрэг хийсэн дайн тулалдаануудаас хойш анх удаа Монгол-Манжийн хооронд болсон эхний бөгөөд эцсийн тулалдаан юм. Энэ тулалдаанд тухайн цаг үеийн бүх Монгол туургатан даяар алдаршсан нэр бүхий олон их хүмүүс, дайчин баатрууд нэгэн тугийн дор олон ястан, угсаатан цэргээ нэгтгэн тулалдсан онцлогтой. Харийн дарлалд хоёр зуу илүү жилийг өнгөрөөхдөө монгол түмэн маань нэгэн сэтгэлээр маш ихээр хүсэн хүлээж байсан гагц зүйл нь тусгаар тогтнол байсан юм. Үүнийг ч Ховдын тулалдаан баталж өгсөн. Богд хаант Монгол Улс тунхаглагдан зарлагдаж улмаар баруун хязгаарыг чөлөөлж Ховдын тулалдаанд ялгуусан ялалт байгуулсан нь Манжийн дарлалд талхиулсан монгол туургатны сэтгэлд гэгээн нар мандуулж, хэчнээн их баяр баясгалан авчирсныг үгээр хэлж, үзгээр бичихийн аргагүй байсныг түүхийн олон сурвалж бичиг гэрчилдэг.

Хамгийн гол нь дээр дурдсанчлан олон зууны турш өөр зуураа овог аймаг, угсаа гарал, халх ойрдоороо талцан тулалдаж байсан монголчууд нэгэн тугийн дор олон ястан угсаатнаараа зэрэгцэн эрх чөлөөний төлөө тэмцсэн нь онцлог байсныг сануулах нь зүйтэй.

 Баргын Манлайбаатар ван Ж.Дамдинсүрэн

1912 онд Нийслэл хүрээнээс Сандо амбаныг хөөн Богд хаант Монгол улсыг байгуулж, тусгаар тогтнолоо тунхагласан боловч хамгийн хэцүү зорилт үлдсэн байв. Энэ бол баруун хязгаарт үүрлэсэн манжийн цэргийг цохин зайлуулах явдал байв. Энэ зорилгоор 1912 оны зуны эхэн сарын шинийн 9-нд Нийслэл Хүрээнээс Богдын зарлигаар 500 цэрэгтэй Манлайбаатар Дамдинсүрэн, Хатанбаатар Магсаржав нар Улиастайд ирэв. Энэ цэрэгт Горлосын Тогтох тайжийн цэргээс Гэндэн, Лaacaг, Найданжав, Насантогтох нарын 48 хүн оролцож явжээ. Эд бол манж хятад цэрэгтэй удаа дараа байлдаж байсан дайчин эрс байв. Ховдын байдал нэн яаралтай арга хэмжээ авахыг шаардаж байсан тул С.Магсаржав нар Ховдын тойрог, Урианхайн хязгаарт цэрэг татлага яаралтай зарласан боловч эхний үед явц муутай байлаа. Энэ үед баруун монголд Жа лам Дамбийжанцан нэр хүндтэй байв.

Жа ламын дэмжлэгийг авсан нь

Хүрээнээс ирсэн сайд, жанжин нар Жа ламын тусламж нөлөөг авч түүний нэр хүнд, сүр хүчээр баруун монгол, урианхайг хөдөлгөж, Ховдыг дайлахаар болжээ. Улмаар Дөрвөд далай ханы ахмад хүү Түмэндэлгэржав дөрвөд, баяд нийлсэн 700-гаад цэргээ авч Жалханз хутагтын дэргэд, мөн Урианхайн Гомбодорж 300 цэрэгтэй Улаангомд, түүнчлэн Урианхайн Ши бэйсийн 17 сумын 300 цэрэг нэмэн ирснээр цэрэг дайчилгааны ажлын явц түргэсч ирэв.

 Жа лам буюу Дамбийжанцан

Ж.Дамдинсүрэн, С.Магсаржав нар Улиастайгаас мордож баруун хоёр аймгийн 400 гаруй цэргийг замдаа авч, Ховдын босго Хар усны өртөөний орчим очоод, Манлай баатар Ж.Дамдинсүрэн монгол цэргийн Уламжлалыг дагаж цэргээ хороо, анги, арванаар хуваан Тэгшлэн засч,арван хүнд галын дарга,50 хүн тутамд ангийн дарга,дөрвөн анги тутамд хорооны дарга, жагсаалын дарга бичээч тус тус томилон журамлажээ. Тэгээд хотыг чөлөөлөх төлөвлегөө боловсруулахдаа, юуны өмнө хотыг бүсэлж, гадагш харилцаа бариулахгүй болгохыг урьтал болгожээ. Энэ нь их буу байхгүй, буу зэвсэг муутай монгол цэргуүдэд эсрэг талаа туйлдуулан, хүчийг нь сулруулан ялах сайн арга байв.

Нэг өдөр хотын байдлыг тагнаж мэдэхээр С.Магсаржав өөрөө Бүүвээ, Дамчаа, Дорждэрэм, монхор Хайдав нартай, Ж.Дамдинсүрэн мөн хориод цэрэгтэй явж, баруун, зүүн талаар нь Алаг толгой, Модон овооны зам өнгөрдөг Ховд хотын урд хөндийд оршдог Ширээт улаанд сэм гарч, хотын байдлыг ажиглахад, хөл хөдөлгөөн ихтэй байжээ. Тэгтэл хотын хэрмийн урд хаалгаар найман морьтой хүн гарч, Алаг толгойн замаар ирэхэд нь нууцаар ойртон, буудаж сандаргаж дөрвийг нь алж, хоёрыг нь зуггаалган, бас хоёрыг нь амьдаар баривчлав. Тэднийг байцаахад Ховдын амбаны газраас Ж.Дамдинсүрэн, С.Магсаржав нар цөөн цэрэгтэй Захбулгийн өртөөний ойролцоо ирж хориглосныг мэдэж байлдахаар бэлтгэн, зүг бүрт харуул, тагнуул гаргаж буйг мэдээд тэр оройдоо цэргээ хөдөлгөжээ.

Цэргийн гол хүчний түрүүнд гурван хэсэг сэргийлэх харуул гаргаж, толгойн сэргийлэхийг Модон овооны замаар, баруун, зүүн, хажуугийн хүчийг Алагтолгой, Эмээлтхөтөлийн чигээр, гол хүчийг Модоновооны замаар хөдөлгөж, хотын өмнөх их, бага хоёр элсэн толгойн зүүн талаар өнгөрөөж баруун хойш эргэж, Талын улааны /хожим Баатар Хайрхан нэртэй болсон/ баруун суганд байрлуулав. Тэр цагаас эхлэн дайчилсан цэргүүд ирж нийлсээр монгол цэрэг 3000 орчим болж, 1912 оны 5 дугаар сард Ховд хотыг баруун талаас нь хагас бүсэлж, чухал замын хүзүүвч гарц боомтыг эзлэн, манж цэргийн хүрээг гаднаас тусламж авах боломж муутай болгожээ.

Туслах хүчийг бут цохисон нь

Энэ хооронд Алтайн Шар сүмээс ван Балдарын зүгээс Ховдын цэрэгт зэвсэг хүргэж туслахаар явуулсан 500-гаад цэргийг Буянт голын нэг цутгал Шаварт гол дээр Магсаржавын удирдсан цэрэг тосон байлдаж, Улаан богочид байсан цэрэг нэмэн очиж бүтэн өдөр тулалдан дийлж, 139 хүнийг алж, 3000 лан мөнгө, олон морь тэмээ, зэр зэвсэг олзлон авчээ. Энэхүү цохигдсон цэргээс цөөн хүн зуггаж Ховд хотод орж амжсан байна. Энэ өдрийн буудалцааны үеэр туслахаар ирсэн цэргээ хамгаалахаар хотын манж хятад цэргийн хүрээнээс цэрэг гарган явуулсныг дервөд хоёр аймаг, Урианхайн хошуудын цэрэг хавсран цохиж буцаав. Ховдын манж цэргийн удирдлага хилийн чанад дахь Үрүмч, Шар сүмийн цэргийн ангид хэл хүргүүлж, монгол цэргийг гаднаас нь бүслүүлээд гадна дотно хоёр талаас хавчин цохих санаатай байгааг Ховдод суугаад 7 дугаар сарын 25-нд хотыг орхин гарсан оросын консул Михаил Николаевич Кузминский монголчуудад хэлж тус хүргэжээ.

 Жалханз хутагт Дамдинбазар

Жалханз хутагт цугларсан цэргээ авч Урианхайн нутгийн гүнээр тойрон явж, Ховд хотын Шар сүмийн зүүн талын Ямаат уулын өвөрт буужээ. Баруун монголын ард түмнийг эрх чөлөөний төлөө тэмцэлд босгож чадсанаар хотыг бүслэх үед цэрэг нь 5000-д хүрсэн боловч, зэвсэг муутай нэлээд хэсэг нь бороохой шийдэм, цахиур буунаас өөр зэвсэггүй байлаа. Харин Магсаржавын удирдсан 500 орчим цэрэг нь берданаар зэвсэглэсэн нь хамгийн сайн зэвсэгтэйд тооцож болох байв. Цэргийн 3000 орчим нь Сангийн хотын хэрмийг шууд бүслэхэд, бусад нь гадуур бүслэлт хийхэд оролцов. Бүслэлтийн үед харуул хамгаалалт болон дайрах жижиг бүлгүүдийг зохион байгуулах, арван бүр ээлжлэн холбоочны үүрэг гүйцэтгэх, жижүүр томилон ажиллуулах зэргээр дайсны хүчийг мохоон тамирдуулах тактик хэрэглэж, харуул сэргийлэхийг алж устган, агт морийг олзлон авах, шөнийн цагаар хий буудаж сүрдүүлэн дайсныг гал нээлгэн сум хэрэглэлийг нь хороох, бэхлэлтийн хэрмийг дэлбэлэх, хотын хүн амыг аль болох амь бие үрэгдэхээс болгоомжлох, байлдах дургүй хятад иргэдийг талдаа авах аргийг хэрэглэж байжээ. Монгол цэрэг 2 cap гаруй бүслэн хааж, бүслэлтээ улам хумьсаар эцэст нь Ховд хотод тулж ирэв.

Ховдыг чөлөөлөх тулалдаан

Хотын хэрмийг байлдаангүйгээр буулгаж авахыг оросын консул, монгол цэргийн удирдлага оролцсон тулган шаардах бичиг өгсөн боловч бууж өгөх янзгүй болж заасан хугацаанд хариу өгөөгүй учраас 7 дугаар сарын 25-нд Ховд хотыг бүрэн бүсэлжээ. Ховд хотын зүүн, баруун, өмнө гурван чиглэлд их цэргүүд жигдрэн бэлэн болжээ. Тэгэхэд монгол цэрэг нь халх, барга, цахар, урианхай, дөрвөд, торгууд зэрэг монгол овогтны төлөөллөөс бүрдэл болж, тэднийг Магсаржав, Дамдинсүрэн, Тогтох, Хайсан, Дамдинбазар, Дамбийжанцан нарын зэрэг жанжин, сайд, санваартны төлөөлөгчид монголын өөр өөр угсааны хүмүүс нэгэн сэтгэлээр соёмбот тугийн дор нэгдэн, удирдан зохион байгуулж байв.

 

Монгол цэрэг 1912 оны 8 дугаар сарын 5-нд уулнаас шөнө дунд өгсөн галын дохиогоор, урьд болзон тоггсон ёсоор баруун талын Рашаант хэмээх өндөр ууланд олон бамбар гэнэт дүрэлзэн асахад, зүүн өмнө талаас хариу болгон олон бамбарууд яралзан бадарч, хотруу дөрвөн зүгээс нь нэгэн зэрэг дайрснаар хоёр хоног цус асгаруулсан ширүүн тулалдав. Манж, хятадууд хотыг олны хөлс цус урсган байж эргэн тойрон нэвтрэхийн аргагуй гүн шуудуу ухаж, нүсэр бэхлэлт байгуулан, давхар давхар өндөр өргөн хана хэрмээр бэхэлсэн тул хэр баргийн юм орж ирэхгүй гэж бүрэн итгэсний дээр, байлдааны хориг бэхлэлтийг удаан хугацаагаар чамлалтгүй сайн хийсэндээ бардам байсан байна.

Бүтэн шөнө цус асгаруулсан ширүүн тулалдаан болсон байна. Ширүүн гардан тулалдаанд хядуулсан хятад цэргүүд ухран Сангийн хот дотроо хүчээ бөөгнөрүүлж хариу цохилт өгөхөөр бэлтгэж байжээ. Монгол цэргийн жанжин Хатанбаатар тэргүүлэн Сангийн хотын хэрмийг даван байлдахаар шийдвэрлэв. Намрын сарын шөнө дуусаж үүрийн туяа манхайх цагаар монголын хатан зоригт дайчид Сангийн хотын хэрмэн дээгүүр даван орж хэрмийн хаалгыг тулалдан дэлгэсэн билээ. Хэрмийг давж ороход олон тоотой дайснууд уулгалан дайрсан боловч монгол цэргүүд эрслэн тулалдаж зам гаргав. Хэрмийг ийнхүү Ж.Дамдинсүрэн, С.Магсаржав, Нанзад, Дамба, Дорждэрэм нарын 28 хүн дүүжингээр даван орж хэрмийн хаалгуудыг тулалдан зам гаргаж онгойлгосон. Ховдын манж-хятад цэрэг галтай цуцлаар дарийг нь сааж бууддаг эртний том жижиг их буу, цахиур буу, бороохой жад, нум сум мэтийн зэвсэгтэй байжээ. Ийнхүү бага үд хүртэл байлдаан үргэлжлэн манжийн цэрэг эцсийн найдвар болсон Сангийн хотоо эзлэгдэхэд арга буюу хүчин мөхөсдөж, аврал эрэгсдийн цагаан хиурыг ёдорт өлгөн хүлцэн бууснаа илэрхийлэв.

Тулалдааны үр дүн, ач холбогдол

 Тогтох гүн

Тэр тулалдаанд манжийн цэргээс 200-гаад хүн, монголын цэргээс 45 хүн амь үрэгдэж, монгол цэргүүд 3000 хүн бүхий манж цэргийн хүрээнээс сайд Бао Жүн, бусад түшмэл, дарга, цэргийн хамт 1200 хүн баривчлан, тэмээ 1000 гаруй, морь 1000 гаруй, хонь 5000 гаруй, буу 200, сум 20000, мөнгө 20000 илүү ланг олзлон авчээ. Үүнээс Чин улсын сайд түшмэл 27, цэрэг иргэн 610-ийг оросын хил хүртэл монгол цэргээр харгалзуулан, морь тэмээ хүнсний зүйлийг нийлүүлэн өгч, оросын нутгаар дамжуулан нутагт нь буцаажээ. Ховдод оросын консулаас гадна хамгаалалтын казах цэрэг байсны нэг нь Барон Унгерн фон Штернберг хэмээх гавъяаны хэнээтэй, Балтын герман цустай нэгэн офицер байсан байна. Тэрбээр хожим монголын түүхэнд чухал үүрэг гүйцэтгэсэн бөгөөд Ховдыг чөлөөлөх тулалдаанд оролцох маш их хүсэлтэй байсан авч "оросууд үүнд хутгалдаж болохгүй" гэсэн дээрхийн заавраар консул Кузьминский түүнийг байлдаанд оруулсангүй. Оросын консул харин хоёр талыг зохицуулж цус асгаруулахгүй асуудлыг шийдэх гэж хооронд нь зуучлах гэж оролдсон ба үүнийхээ төлөө хожим Богдоос шагнал хүртжээ.

Монгол цэргүүд Ховдын шоронд олон жил хоригдон тарчилж байсан халх, дөрвөд, урианхай зэрэг 400 гаруй хүнийг сулласан нь Богд Хаант Монгол Улсын цэргийн нэр хүндийг тус хязгаар нутагг ихэд мандуулав. Монголын баруун хязгаарын олон ястны улс төр, эдийн засгийн гол төв Ховд хотыг чөлөөлснөөр манж-хятадын дарлалын сүүлчийн цайзыг нурааж ноёрхлыг нь устгах анхан шатны тэмцэл дууссан юм. Ар монголын Ховдоос бусад газарт хятад улс цэрэг ирүүлж чадаагүйг хятад түүхч Чэнь Чуньцзу тайлбарлан бичихдээ: "Тэр үед хятад улсын байдал тогтворжиж амжаагүй байсан болохоор умар зүгийн хэрэг явдлыг анхааран үзэх завгүй байснаас гадна, өвөл цаг байсан учир хол газар цэрэг томилон явуулахад боогдолтой байлаа" гэсэн нь үнэний хувьтай бөлгөө.

Ийнхүү монгол улсын цэргийн анхны том ялалтын үр дүнд Халх Монголын нутаг дэвсгэр хятад-манжийн эзэрхийллээс бүрэн чөлөөлөгдсөн ажээ. Ховдыг чөлөөлсөн нь Хүрээнд тусгаар тогтнол зарласнаас ч илүү ач холбогдолтaой зүйл байсан юм. Учир нь 1911 оны 10 дугаар сарын Учаны бослого, 1912 оны 2 дугаар сард Манж Чин улсын сүйрлийг албан ёсоор зарласан хэмээх энэ хоёр үйл явдлын хооронд хятадын хяналт түр зогсох үе нь монголчуудын хувьд тусгаар тогтнолоо тунхаглах, түүнийгээ оросуудаар дэмжүүлэх хамгийн таатай бяцхан тохиол үе байсан ба үүнийг ч монголчууд Богд гэгээн ба халхын ноёдын удирдлага дор амжилттай ашиглаж чадсан юм.

 
Мэдээ таалагдсан бол like & share хийнэ үү:


БУСАД

 
 
СЭТГЭГДЭЛ БИЧИХ

 

СЭТГЭГДЭЛ
ШИНЭ МЭДЭЭ
Ж.Үнэнбат: Би ямар нэгэн эрсдэлд ороогүй, миний хажуугийн хүн эрсдэлд орж байвал ил тод мэдэгдэх ёстой
21 минут    

Чуулган 25 удаа хуралдахад, 21-д нь суудаггүй Б.Наранхүүг эгүүлэн тат!
30 минут    

ХҮМҮҮС ЯАГААД EBARIMT-ААС МӨНГӨ ХОЖДОГГҮЙ ГЭЭЧ….ИЙМ УЧРААС ЮМ БАЙНА ШҮҮ
32 минут    

Анхаар!!! Хятад резинэн туузыг хүүхдийнхээ гарт зүүлгэвэл шигдэх аюултай
33 минут    

БНСУ-д ажиллах хүсэлттэй иргэдэд зориулсан АНХААРУУЛГА гаргалаа
35 минут    

Үүнийг ууж эхэлснээс хойш миний гэдэс яг л хоосрох шиг болсон! Эрт мэдсэн бол огт таргалахгүй л байж дээ…
36 минут    

ВАШИНГТОН СИНГАПУРЫГ, ПХЕНЬЯН МОНГОЛЫГ САНАЛ БОЛГОЖ БАЙНА
38 минут    

Бие биедээ төгс зохицох зурхайн гурван орд
41 минут    

С.Бясман: Сэтгүүлчдийг тагнаж, чагнасан гэх хэргийг шалгаж байгаа
49 минут    

Н.Төгсцогт: Шагналынхаа мөнгөний 50 хувийг улсынхаа сайн сайханд зарцуулна
57 минут    

Хөхний даруулгыг хэзээ ч шүүгээн дотор хадгалж болохгүй
1 цаг    

Цахим газар өмчлөлийн шийдвэрийг нийслэлийн Үйлчилгээний нэгдсэн төвүүдээр олгож эхэллээ
1 цаг    

АНХААР: Цахим мөнгөний залилангаас болгоомжил
1 цаг    

Т.Дашдэлэг: Хураалгасан генерал цолоо эргүүлж авна
1 цаг    

Ш.БАТСҮХ: ГАЗАР ТАРИАЛАНГИЙН ЧИГЛЭЛЭЭР ГАДААДЫН ИРГЭН, АЖ АХУЙН НЭГЖ ОРУУЛЖ ИРЭХГҮЙ
1 цаг    

Машин угаахад ус хэрэггүй
1 цаг    

МАЛ СҮРГИЙГ ӨВЧНӨӨС УРЬДЧИЛАН СЭРГИЙЛЭХ, ЭРҮҮЛЖҮҮЛЭХ АЖИЛ ИРЭХ САРААС ЭХЭЛНЭ
1 цаг    

НИТХ-ын хуралдааны үйл ажиллагаа ил тод, нээлттэй байх боломж бүрдлээ
1 цаг    

ХОЁР СОЛОНГОСЫН УДИРДАГЧИД ЧИН СЭТГЭЛЭЭСЭЭ ЯРИА ХЭЛЭЛЦЭЭ ХИЙНЭ ГЭДГЭЭ ИЛЭРХИЙЛЖЭЭ
1 цаг    

УИХ-ЫН ЧУУЛГАНЫ ХУРАЛДААН ЭХЭЛЛЭЭ
1 цаг    

ӨЧИГДРИЙН АРИЛЖААГАА 787 182 ШИРХЭГ ХУВЬЦАА АРИЛЖЖЭЭ
2 цаг    

МОНГОЛ УЛСТАЙ ЭРЧИМ ХҮЧНИЙ САЛБАРТ ХАМТРАН АЖИЛЛАХ ТУХАЙ ХЭЛЭЛЦЭЭРИЙН ТӨСЛИЙГ ДЭМЖЖЭЭ
2 цаг    

"АТАР ӨРГӨӨ" ХК-ИЙН ХУВЬЦАА ЭЗЭМШИГЧДИЙН ХУРАЛ ХОЙШИЛЖЭЭ
2 цаг    

БАЯЛГИЙН САН БА ИРЭЭДҮЙН САН
2 цаг    

"Гурван охин" хамтлагаараа папарациддууллаа
2 цаг    

МОНГОЛЫН 3Х3 САГСАН БӨМБӨГЧИД ТИВИЙН АВАРГЫН ТӨЛӨӨ ӨРСӨЛДӨНӨ
2 цаг    

ЗАСГИЙН ГАЗРЫН ЭЭЛЖИТ БУС ХУРАЛДААН БОЛЖ БАЙНА
2 цаг    

"САЙН ҮЙЛСИЙН АЯН"-Ы ХҮРЭЭНД НЭГ ӨРХИЙН ДУЛААНЫ ШУГАМЫГ БҮРЭН ШИНЭЧИЛЖ ӨГЧЭЭ
2 цаг    

ФИЗИКИЙН УЛСЫН ОЛИМПИАДАД УЛАН-ҮДЭЭС ЗУРГААН БАГШ, СУРАГЧ ОРОЛЦОЖ БАЙНА
2 цаг    

СҮХБААТАР АЙМГИЙН ИТХ ТӨСВӨӨ БАТАЛЖ, ШИНЭ ЗАСАГ ДАРГЫН НЭРИЙГ ЕРӨНХИЙ САЙДАД УЛАМЖЛАВ
2 цаг    

ХИЛИЙН ЗУРВАСТ ТОРОН ХАШАА ТАТНА
2 цаг    

“АЗ ЖАРГАЛТАЙ АЯЛГУУ-2018” ХҮҮХДИЙН УРЛАГИЙН ИХ НААДАМ БОЛЖ БАЙНА
2 цаг    

ЭРДМИЙН БАЯРААР СУРАГЧДААС ХУРААМЖ, ХАНДИВ АВАХЫГ ХОРИГЛОВ
2 цаг    

“АМАР ТАЙВАН АМЬДРАЛЫН ТӨЛӨӨ ХАМТДАА” СЭДЭВТ ӨДӨРЛӨГ ЗОХИОН БАЙГУУЛЛАА
2 цаг    

ЗАМЫН ХӨДӨЛГӨӨНИЙ АЮУЛГҮЙ БАЙДЛЫН ТАЛААР ЗӨВЛӨЛДЛӨӨ
2 цаг    

“МЭРГЭЖИЛ БҮХЭН САЙХАН” ӨДӨРЛӨГ БОЛЛОО
2 цаг    

ТӨРИЙН АЛБАНЫ ШАЛГАЛТЫГ ЦАХИМААР ХЯНАДАГ БОЛОВ
2 цаг    

МҮН-КИМИЙН УУЛЗАЛТ СОЛОНГОСЫН ХОЙГТ ЭНХ ТАЙВАН, ХӨГЖИЛ ЦЭЦЭГЛЭЛТИЙГ ЦОГЦЛООХОД ТУСАЛНА ГЭЖ НАЙДАЖ БАЙНА
2 цаг    

ТӨРИЙН АЛБАНЫ ШАЛГАЛТЫН ГАРЫН АВЛАГА ШИНЭЧЛЭГДЭВ
2 цаг    

“ОРГИЛ ӨӨД ТЭМҮҮЛСЭН ОН ЖИЛҮҮД” ЭРДЭМ ШИНЖИЛГЭЭНИЙ БАГА ХУРАЛ БОЛОВ
2 цаг    

МОНГОЛ-АНУ-ЯПОНЫ ГУРВАН ТАЛТ УУЛЗАЛТААС ХАМТАРСАН МЭДЭГДЭЛ ГАРГАВ
2 цаг    

ХӨШИГИЙН ХӨНДИЙ ДЭХ ОЛОН УЛСЫН НИСЭХ БУУДЛЫН ЯВЦЫН ТАЛААР ЧУУЛГАНД МЭДЭЭЛЭЛ ХИЙНЭ
2 цаг    

ЧӨЛӨӨТ БӨХИЙН ШИЛДЭГ 8 БАГИЙН ЦОМЫН ТӨЛӨӨХ ТЭМЦЭЭН БОЛНО
2 цаг    

“МАЗАЛА” ҮНДЭСНИЙ ДЭЭД ЛИГИЙН ШАГНАЛЫН САН 200 САЯ ТӨГРӨГ
2 цаг    

ХОЁР СОЛОНГОСЫН УДИРДАГЧДЫН ТҮҮХЭН УУЛЗАЛТ ЭХЛЭВ
2 цаг    

ЭНЭТХЭГИЙН НЭГЭН МУЖИД 13 ЦАГИЙН ХУГАЦААНД 36749 УДАА АЯНГА ЦАХИЛГААН ЦАХИЖЭЭ
2 цаг    

МАЙК ПОМПЕО АНУ-ЫН ТӨРИЙН НАРИЙН БИЧГИЙН ДАРГА БОЛЛОО
2 цаг    

МОНГОЛ, ЯПОН, АНУ-ЫН ГУРВАН ТАЛТ УУЛЗАЛТ ТОКИО ХОТНОО БОЛОВ
3 цаг    

ЕРӨНХИЙЛӨГЧ Х.БАТТУЛГА ЗАРЛИГ ГАРГАЖ ХОЁР УЯАЧИЙН ЦОЛЫГ ХАСЛАА
3 цаг    

ХУУЛИЙН ТӨСЛИЙГ МАРГААШИЙН ХУРАЛДААНААР ҮРГЭЛЖЛҮҮЛЭН ХЭЛЭЛЦЭХ БОЛОВ
3 цаг    


Нүүр хуудас | Фото мэдээ | Видео мэдээ | Сурталчилгаа байршуулах | Холбоо барих Утас: 89460-008, 7711-2424
© 2016 он. Зохиогчийн эрх хуулиар хамгаалагдсан. ARDCHILAL.MN.