Мэдээ
УЛААНБААТАР ºC
USD АНУ доллар 2,495.23
2018 оны 08-р сарын 16
Мэдээлэл хайх:
Зөвлөгөө | 7 хоногийн тойм | Олны танил | Шар | Танин мэдэхүй | Түүхэн хүмүүс | Кино урлаг | Дуу хөгжим | Номын ертөнц | Гадаад мэдээ | +18

Өвөрмонголын Ордосууд инновацийн бүтээлээ “нутагшуулах” тухай ярив

НИЙТЛЭСЭН: 2017-09-13 21:27:58
Технологи > Шинэ технологи | Сэтгэгдэл: 0

Монгол Улс, БНХАУ-ын ӨМӨЗО-ны Ордос хотын Отогийн Өмнөд хошуутай хамтарсан “Нэг бүс нэг зам” төслийн хүрээнд хөдөө аж ахуй, инновацийн хамтын ажиллагаа, технологи дамжуулах эрдэм шинжилгээний хурал есдүгээр сарын 13-ны өдөр БСШУСЯ-ны танхимд болов.

Хурлын завсарлагаанаар ӨМӨЗО-ны Ордос хотын  Отгийн өмнөд хошууны эрдэмтэн, судлаачид  болон Монголын эрдэмтэд өөрсдийн сэтгэж хийсэн шинэ бүтээлүүдээ танилцуулж, туршлага солилцлоо. Монголын эрдэмтэд өмнөд нутгийнханд хандан монгол үүлдрийн ямаа, түүний чанарын үзүүлэлтүүд, ноолуурын гарц нэмэгдүүлэх туршилтын үр дүн, Монгол орны бэлчээрийн царцаатай тэмцэх цогцолбор арга зэргийг танилцууллаа.

Энэхүү хуралд ӨМӨЗО-ны Ордос хотын Отогийн Өмнөд хошууны судлаач, Авто тоног төхөөрөмжийн үйлдвэрийн захирал н.Сайшаалт гарын доорх материал ашиглаж, халуун хүйтэн усыг хоёр тасалгаанд хийж, цахилгаан дамжуулах технологи санаачилсан тухайгаа бодитоор үзүүлж, тайлбарласан юм.  

БСШУСЯ-ны Инновацийн хэлтсийн даргын үүрэг гүйцэтгэгч Д.Жаргалмаа Өвөрмонголын эрдэмтэд алс холоос ирж, олон бүтээлээ танилцуулж, манай улсын шинийг санаачлагчдад шинэ санааг өгсөн н.Сайшаалт гуайд энэ үеэр талархал илэрхийллээ.

Мөн Өвөрмонголын талаас цаашид хоёр орны хөдөө аж ахуй, инновацийн хамтын ажиллагаа хамтын үйл ажиллагааны эх суурийг тавилаа. Судлаач, эрдэмтдийн оюун ухаан, хүч хөдөлмөр, зүтгэл оролцсон бүтээлийг танилцуулж, оролцсон нь үр дүнтэй боллоо. Хойшдоо жилдээ нэг удаа хамтарч ямар нэгэн үйл ажиллагааг зохион байгуулах нь зүйтэй гэж онцлон тэмдэглэв.

Д.Жаргалмаа: Отогийн Өмнөд хошууны эрдэмтэд судалгааныхаа үр дүнд бий болсон оюуны бүтээлүүдийг түгээн дэлгэрүүлж байна

Энэ үеэр Д.Жаргалмаагаас “Нэг бүс нэг зам”–ын хүрээнд хөдөө аж ахуй, инновацийн хамтын ажиллагааны эрдэм шинжилгээний хурлаар хоёр орны талаас ямар шинэлэг инновацийг дэвшүүлж байна вэ? гэж тодруулахад “Энэхүү эрдэм шинжилгээний хурлын зорилго нь ӨМӨЗО-ны Ордос хотын Отогийн Өмнөд хошууны эрдэмтэд судалгааныхаа үр дүнд бий болсон оюуны бүтээлүүдийг олон нийтэд түгээн дэлгэрүүлэх зорилготой танилцуулж байна.

Хамгийн гол нь хоёр орны эрдэмтэд оюуны бүтээлээр туршлага солилцож, цаашид хамтарч ажиллах эхлэлийг тавилаа. ӨМӨЗО-ны ШУТ-ийн тэнхимтэй санамж бичиг байгуулж, цаашид эрдэмтдийн туршлага солилцох хурлуудыг олон удаа зохион байгуулна гэж Өвөрмонголын талаас онцоллоо. Мөн Өвөрхангай аймгийн Хар хорин суманд энэхүү үйл ажиллагааны үргэлжлэл явагдана.” гэж хэллээ.

Д.Мөнхдалай: Сайн бүтээлийн үр дүнг харахын тулд үйлдвэр, амьдрал, хөдөө аж ахуйд нэвтрүүлж, нутагшуулах нь чухал

ӨМӨЗО-ны Ордос хотын Отогийн Өмнөд хошууны Хөдөө аж ахуйн үйлчилгээний тусгай хоршооллын дарга Д.Мөнхдалайгаас “Өнөөдрийн танилцуулсан оюуны инновацийн бүтээлийг Хятад болон Өвөрмонголдоо үйлдвэрлэлд нэвтрүүлэх, зах зээлд гаргаж эхэлсэн үү? Хамгийн онцлог, шинэ ямар бүтээл байна вэ?” гэж асуухад “Манай улсад судалгаа, туршилтын эрх авсан тусгай оюуны бүтээлд хамрагдсан бүтээлийг энд танилцуулсан.

Зарим нэгэн бүтээлүүдийг түгээн дэлгэрүүлэх шатандаа явж байна. Сайн бүтээлийн үр дүнг харахын тулд үйлдвэр, амьдрал, хөдөө аж ахуйд нэвтрүүлж, нутагшуулах нь чухал. Иймээс эдгээр бүтээлээс сайныг нь сонгож, нутагшуулах танилцуулгын эхлэл явагдаж байна. Маш олон бүтээл байгаа. Жишээлбэл, хөдөө аж ахуйн салбарын ямаа, ноолуурын гарц нэмэгдүүлэх технологи, хүнс ногоог органик байдлаар тарьж, үйлдвэрлэх зэрэг юм.

Харин халуун хүйтэн усыг ашиглаж, гэрэл, цахилгаан үүсгэх технологийг үйлдвэрлэлд нэвтрүүлэх боломжийг судалж байгаа. Үнэ өртөг их хямд гарна. Энэ бүтээлийг манай хошууны мэргэжилтэн, судлаач Сайшаалт бүтээсэн.” гэж онцолж ярьсан юм.

Б.Баярмаа

Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
Мэдээ таалагдсан бол like & share хийнэ үү:


БУСАД

 
 
СЭТГЭГДЭЛ БИЧИХ

 

СЭТГЭГДЭЛ